Afganistan, ushtarët australianë valëvisin flamurin nazist

Kryeministri australian Malcolm Turnbull tha se ishte “krejtësisht e papranueshme” për një grup ushtarësh që të valvisnin një flamur nazist mbi automjetin e tyre, ndërsa patrullonin në Afganistan në vitin 2007.

Korporata e transmetimeve televizive australiane publikoi një fotografi të incidentit të enjten, të një njësie të forcave speciale australiane, ndërsa patrullonte. Rrjeti televiziv citonte një burim të paidentifikuar brenda Departamentit të Mbrojtjes që e kujtonte incidentin si “një shaka shqetësuese”.

Departamenti i Mbrojtjes lëshoi një deklaratë, duke thënë se njësia e komandës, “mori masa të menjëhershme” për ta hequr flamurin dhe se ushtarët e përfshirë kishin marrë masë disiplinore.

Në deklaratë thuhej se Forcat Australiane të Mbrojtjes “hedhin poshtë si diçka të neveritshme atë që përfaqëson ky flamur. As flamuri dhe as përdorimi i tij nuk janë në përputhje me vlerat e Forcave australiane të Mbrojtjes”.

Publikimi i fotografisë vjen mes akuzave se ushtarët e forcave speciale kanë kryer shkelje të shumta gjatë vendosjes në Afganistan, përfshirë vrasjet e njerëzve të paarmatosur.

Australia troops flew Nazi flag in Afghanistan https://t.co/JqxsZ00Q0P pic.twitter.com/UkbujxAxKs

— news.com.au (@newscomauHQ) June 14, 2018

15 qershor 2018 (gazeta-Shqip.com)



Behu pjese e LAJME.mk , kliko LIKE fanpage ne facebook me posht!
Nga LAJME.mk June 15, 2018 2:53 pm ne Bota. ne link https://lajme.mk/?p=138041
Nese ky postim qe eshte bere ne faqen Lajme.mk prek privatesin e dikujt ose eshte lajm abuzues ju lutem na shkruani ne email [email protected] lajme.mk ose ne fanpage facebook ose ContactUs, dergo linkun e mesiper qe te fshihet. Nuk mbajme pergjithesi per ndonje lajm qe eshte postuar qe eshte publik ne gjithe mediat. Ju faleminderit