Home / Lajme / Përmbledhje: Triumfon Uruguai, Egjipti bie pa Salah

Përmbledhje: Triumfon Uruguai, Egjipti bie pa Salah

Egjipti nuk e ka nisur në mënyrën e duhur Kupën e Botës, duke u mundur 1-0 nga Uruguai, në ndeshjen e parë të Grupit A. Mohamed Salah nuk është aktivizuar, edhe pse Hector Cuper, trajneri i ekipit, lajmëroi dje se ai do të ishte në fushën e lojës. Një vendim ky që mund t’i kushtojë shumë egjiptianëve në fund.

Pjesa e parë ka qenë shumë e ekuilibruar, teksa dy rastet e vetme të rrezikshme janë krijuar në minutën ne 23-të dhe të 24-t nga amerikanojugorët. Në fillim ka qenë Cavani që ka kërkuar golin me një goditje të bukur nga jashtë zone, me topin që dukej se do të përfundonte në rrjetë, por që është devijuar në goditje këndore nga një ndërhyrje e mbrojtjes egjiptiane në momentin e fundit.

Një minutë më vonë, Suarez ka shpërdoruar një rast të pastër me portën e boshatisur. Ylli i Barcelona-s ka qenë protagonist edhe në fillimin e pjesës së dytë, kur nuk ka arritur të shënojë, pavarësisht se ka qenë i vetëm përballë portieri El Shenawy.

Kundërpërgjigja e egjiptianëve ka ardhur në minutën e 72-të, me një goditje të bukur të Fathy nga distanca, me Muslera që e ka neutralizuar me një pritje po aq të bukur. Dy minuta më pas, Suarez ka shpërdoruar rastin e tretë për të shënuar, edhe pse është ndodhur përsëri i vetëm përballë portierit.

Shtatë minuta para fundit të takimit ka qenë përsëri portieri El Shenawy i ka mohuar golin Cavani-t me një tjetër pritje të jashtëzakonshme. Në të 88-ën ka qenë fati që ka ndihmuar afrikanët, me goditjen e dënimit të Cavani-t që është ndalur nga shtylla. Një fat i keq që është transformuar në minutën e 90-të të takimit, kur qendërmbrojtësi Gimenez ka dërguar topin në rrjetë me një goditje me kokë.

Pas këtij rezultati, Grupi A kryesohet nga Rusia dhe Uruguai, me nga 3 pikë, ndërsa Arabia Saudite dhe Egjipti mbeten me zero pikë. Në ndeshjet e dyta, Egjipti do të ndeshet me Rusinë, ndërsa Uruguai do të luajë kundër Arabisë Saudite.(telesport)



Behu pjese e LAJME.mk , kliko LIKE fanpage ne facebook me posht!
Nga LAJME.mk June 15, 2018 4:33 pm ne Lajme. ne link https://lajme.mk/?p=138238
Nese ky postim qe eshte bere ne faqen Lajme.mk prek privatesin e dikujt ose eshte lajm abuzues ju lutem na shkruani ne email [email protected] lajme.mk ose ne fanpage facebook ose ContactUs, dergo linkun e mesiper qe te fshihet. Nuk mbajme pergjithesi per ndonje lajm qe eshte postuar qe eshte publik ne gjithe mediat. Ju faleminderit