Abelard Tahiri: Deklaratat e Kurtit pas darkës në Bruksel më mirë të mos i kishim dëgjuar

Tahiri: Deklaratat e Kurtit pas darkës në Bruksel më mirë të mos i kishim dëgjuar.

Shefi i GP-së së PDK-së, Abelard Tahiri, ka thënë se deklaratat e Kurtit pas darkës me Borrelin do të ishte më mirë të mos ishin dëgjuar fare. Sipas tij, kryeministri Kurti nuk ka pasur guxim të thotë se adresa e krimeve është Serbia.

Këtë deklaratë Tahiri e dha para deputetëve në Kuvendin e Kosovës.

“Para dy ditësh kryeministri Kurti mori pjesë në darkën e Borrelit me kryeministrat e vendeve të Ballkanit Përendimor, e inkurajojmë kryeministrin të merrë pjesë në të gjitha iniciativat rajonale që i sjellin të mira Kosovës. Në këto forume e darka, logjika thotë se duhet të flitet për situatën aktuale, pandemike dhe për sfidat konrete që i ka Kosova dhe rajoni. Por meqë nuk publikohet ajo që flitet brenda, rëndësi ka ajo cfarë deklarohet jashtë”, tha ai.

Por deklaratat e Kurtit pas darkës, Tahiri i ka quajtuar skandaloze.

“Deklarimet e kryeministrit tonë pas darkës më mirë mos t’i kishim dëgjuar fare….Nga kjo deklaratë e kryeministrit në shoqërinë e Brnabiqit doli diçka që shkon përtej imagjinates. Një deklaratë skandaloze e Kurit që fatkeqësisht i hedh pluhur të kaluarës së shtetit tonë…Botërisht është e ditur se kush është krimineli dhe kush është viktima në Ballkanin Perëndimor…Por fatkeqësisht kryeministri ynë nuk pati guxim ta thotë se kjo adresë është Serbia”, tha ai në Kuvend.

Mundesia me shume...
Pamje me shume...
AlbaniaEnglishFrenchGermanItalyTurkey