Ambasada Amerikane merr përgjigjen e shqiptarëve, çfarë duan nga SHBA për vitin 2020

Ambasada Amerikane në Tiranë përveç urimit special për Shqipërinë, ka publikuar edhe një pyetje të veçantë. “Çfarë prisni më shumë nga ky vit?”, ka shkruar ambasada në faqen e saj.

Shqiptarët të ndikuar nga kjo pyetje kanë komentuar në faqen e ambasadës. Në komente të shumta janë qytetarë që duan të fitojnë llotarinë amerikane.

Të tjerë presin që ambasadorja e re të ketë një rol sa më aktiv në vendin tonë e disa të tjerë urojnë që misioni i tyre diplomatk të ketë sukses dhe që 2020 të jetë viti i drejtësisë.

“Presim që ambasadorja e re të luajë një rol sa më aktiv që të shembet korrupsioni galopant që e rendit Shqiperinë në 3 vendet më të korruptuara të planetit…62%…dhe ti jepet fund kaosit institucional që ka kapluar vendin,sidomos me shkatërrimin e sistemit gjyqesor…një postulat thotë që plagën kurrë nuk e shëron ai që e shkakton…të mos presim rregullimin nga ato qe e shkaktuan këtë kaos…”, shkruhet në një koment.

“Gëzuar! Presim, shpresë për një drejtësi dhe politikë të pakorruptuar! Populli i thjeshtë ka besim në ndihmën tuaj të paçmuar. Faleminderit!!!”, ka shkruar një qytetare.

“Llotarinë amerikane, hajde një vit i mbarë për ju e për ne,me ate reformën që më në fund po vjen falë kembenguljes suaj të madhe..!”, ka komentuar një qytetar.

SMART PUBLISHER

AlbaniaEnglishFrenchGermanItalyTurkey