Barça dhuron spektakël, fitore të thellë ndaj Real Sociedadit

Barcelona dhuroi spektakël në “Reale Seguros Stadium” të San Sebastianit, ku shkatërroi me rezultatin 1-6 Real Sociedadin. “Blaugranat” kthejnë brenda pak orës diferencën prej katër pikësh me Atleticon e Madridit, që triumfoi minimalisht ndaj Alavesit.

Festivali i golave u çel nga Grizmann në minutën e 37-të, që e pati të lehtë ta dërgonte topin në rrjetë pas tentativës së parë të Dembelesë, që u kthye nga portieri. Pjesa e parë u mbyll me finalizimin e Dest, pas asistit të marrë nga Lionel Messi.

Pjesa e dytë nisi me një tjetër gol të “blaugranave”, që mban firmën e Dest dhe vetëm tri minuta më pas realizoi Lionel Messi, i shërbyer me zgjuarsi nga Busquets. Vetëm pak minuta i mjaftuan në fushë Moribas për të asistuar Dembelenë pë golin e 0-5, për të ardhur më pas te momenti i golit të vetëm të vendësve, i shënuar nga Barrenetxea Muguruza. Llogaritë me Sociedadin i mbylli Lionel Messi me golin e dytë personal, atë të 1-6, në minutën e 89-të.

23 gola dhe 8 asiste për Messin në këtë sezon, statistika këto të destinuara për t’u përmirësuar kur kanë mbetur edhe 10 ndeshje deri në përfundim të La Ligas.

Mundesia me shume...
Pamje me shume...
AlbaniaEnglishFrenchGermanItalyTurkey