Bilall Kasami thotë se Dielli sot buzëqesh më bukur në Tetovë

Edhe pse nuk është fitues i zgjedhjeve në Tetovë, Kasami ka rritje të madhe dhe mbrëmë festoi fitoren e Lëvizes BESA. Sot ai ka shkruar se edhe dielli buzëqesh më bukur në Tetovë duke lënë të kuptohet se me 31 tetor do të jetë fitues dhe do të ulet në krye të komunës së Tetovës, përcjell TS.

“Edhe dielli sot buzëqesh më bukur në Tetovë. Fitorja e madhe e një Tetove Ndryshe ktheu buzëqeshjen e qytetit, ktheu shpresën e tetovarëve, ktheu shpresën se Tetovës do ti rikthehet shkëlqimi. Faleminderit të gjithë qytetarëve të qytetit më të bukur, faleminderit të gjithë atyre djemve dhe vajzave për aktivitetin e palodhshëm. Faleminderit qytetarit të heshtur që me votë ngriti zërin fuqishëm. Faleminderit qytetarit të ndershëm e të pathyeshëm. Faleminderit, faleminderit, faleminderit tetovarë!
Çdo votë tjetër kundër kësaj strukture që menaxhon Tetovën është votë për ndryshim. Bashkimi jonë për Tetovën Ndryshe do të na bëj të pathyeshëm pas dy javësh!
Mbështetja juaj tregoi se Tetovën e duam ndryshe, e duam të bukur, e duam më shumë se vetveten. Do të jem zëri juaj, në shërbim tuaj dhe në krahun tuaj” ka shkruar Kasami

LAJME TJERA
AlbaniaEnglishFrenchGermanItalyTurkey