Cuadrado afër marrëveshjes së re me Juventusin

Juan Cuadrado duket se do të qëndrojë edhe për disa vite te Juventusi.

Anësori kolumbian është duke kaluar nëpër një formë të mirë në këtë sezon dhe Zonja e Vjetër dëshiron ta shpërblejë me kontratë të re.
Sipas asaj që raporton Calciomercato, të dyja palët janë në bisedime për të rinovuar marrëveshjen dhe në ditët e ardhshme do të bëhet zyrtare.

Kontrata e 33-vjeçari te klubi nga Torino përfundon në fund të këtij sezoni dhe Juventusi po nxiton që t’i ofrojë kontratën e re.

Besohet se Cuadrado te Juventusi do të nënshkruajë kontratë dyvjeçare, ndërsa bisedimet janë në prag të përfundimit.

Kolumbiani ka kohë që është në kontakte me Juventusin për rinovimin e kontratës, me klubin që i kishte ofruar vetëm një vit, mirëpo duket se tashmë kanë një marrëveshje. /Telegrafi/

LAJME TJERA
AlbaniaEnglishFrenchGermanItalyTurkey