Dënojnë shoferin e tij, deputeti Memli Krasniqi u bërtet policëve: A del ti nesër në punë?

Memli Krasniqi, deputeti i Kuvendit të Kosovës nga radhët Partisë Demokratike të Kosovës, është përplasur verbalisht mbrëmë me dy zyrtarë të Policisë së Kosovës.

Krejt kjo pasi i dënuan shoferin, i cili kishte kaluar semaforin në të kuqen.

Gazeta Insajderi ka siguruar pamjet nga ngjarja që ka ndodhur mbrëmë, në lagjen “Pejton”, në Prishtinë.

Siç shihet në videon e siguruar nga Insajderi, Krasniqi përplaset verbalisht me zyrtarët policorë pasi, siç kanë treguar burimet e gazetës, shoferi i deputetit të PDK-së është gjobitur nga policia. Deputeti del nga vetura dhe dëgjohet duke kërcënuar policët.

“A del ti nesër në punë”, dëgjohet duke i thënë mes tjerash deputeti Krasniqi, zyrtarit policor.

Mundesia me shume...
Pamje me shume...
AlbaniaEnglishFrenchGermanItalyTurkey