Dorëzohet Irani, ja si u rrëzua avioni në Teheran

Ushtria iraniane pranoi të shtunën në mëngjes se kishte rrëzuar “jo qëllimisht” avionin ukrainas, incident nga i cili humbën jetën të 176 njerëzit në bord. Pohimi erdhi pasi Kanadaja dhe zyrtarë të SHBA thanë se avioni u rrëzua nga një raketë iraniane, ndoshta gabimisht.

Avioni, i cili sapo ishte nisur nga Teherani për në Kiev, u rrëzua të mërkurën, në kohën që Irani ishte në gatishmëri për një përgjigje ushtarake nga SHBA, disa orë pasi kishte hedhur raketa ndaj objektivave amerikane në Irak.

Në një deklaratë, Irani tha se pasi ishte ngritur nga aeroporti Imam Khomeini, forcat e armatosura iraniane e morën avionin e udhëtarëve për një mjet fluturues armik, ndërkohë që ai ishte shumë afër një instalimi ushtarak, për shkak të lartësisë në të cilën fluturonte dhe formës së tij, shkruan VOA.

Për disa ditë rresht Irani mohonte që avioni Boeing 737-800 të ishte rrëzuar nga një raketë dhe thoshte se mund të duhej një ose dy muaj për të nxjerrë informacione nga regjistruesit e të dhënave të zërit dhe fluturimit.

SMART PUBLISHER

AlbaniaEnglishFrenchGermanItalyTurkey