Dr.Isjanovski: Nëse keni marrë tre doza të vaksinës, keni vetëm dy përqind shanse për t’u shtruar në spital

Drejtori i Shtëpisë së Shëndetit në Shkup, dr. Viktor Isjanovski ka informuar se të dhënat e fundit tregojnë se ka shumë më pak interes për vaksinim.

“Nga dhjetori deri në javën e dytë të janarit në territorin e qytetit të Shkupit kemi aplikuar 30.535 doza, ndërsa me dozën e tretë 16.335. Pjesa tjetër është shumë e vogël me dozën e parë. Interesimi është në rënie”, theksoi Isjanovski në emisionin e fundit “Top Tema” në Telma, përcjell INA.

Mjeku citoi të dhëna nga një studim i një instituti në Itali në lidhje me vaksinimin.

“Personat me një dozë të tretë kanë një shans 98% për të mos përfunduar shtrimin në spital dhe ata me një dozë të dytë kanë një shans 75%. I bëj thirrje të gjithëve që kanë marrë dy doza të vaksinohen me një të tretën. Nuk ka nevojë për analiza për antitrupa, grumbullime dhe shpenzime të parave”, shpjegon dr. Isjanovski.(INA)

LAJME TJERA
AlbaniaEnglishFrenchGermanItalyTurkey