Dy nga të arrestuarit në Telekom janë këshilltar të ish-ministrave në Qeverinë Hoti

Prej katër personave të arrestuar nga Policia e Kosovës, në Telekomin e Kosovës, dy prej tyre janë këshilltar të ish-ministrave.

Trim Musliu, këshilltar i ish-ministrit të Drejtësisë, Selim Selimi dhe Denis Ceman, këshilltar i ish-ministrit të Punëve të Brendshme, Agim Veliu.

Ndërsa, dy të arrestuarit tjerë janë Armend Osaj dhe Kreshnik Musliu vëllau i Trim Musliut.

Lajmin për Gazetën Insajderi e ka konfirmuar zëdhënësi i Policisë së Kosovës, Baki Kelani.

“Sot me 30 mars 2021, Policia e Kosovës, me urdhëresë të Gjykatës kompetente ka realizuar një operacion policor, i cili ka rezultuar me arrestimin e katër personave të dyshuar, mbi dyshimin për keqpërdorim të pozitës zyrtare”, ka treguar Kelani.

Policia ka bërë të ditur se “Operacioni policor është realizuar në rajonin e Prishtinës, ku pas kompletimit të rastit do të jepen informacione shtesë”.

Mundesia me shume...
Pamje me shume...
AlbaniaEnglishFrenchGermanItalyTurkey