Enver Hoxhaj thotë se PDK e voton kundër Qeverisë Kurti

Hoxhaj thotë se PDK voton kundër Qeverisë Kurti, koalicioni Kurti-Osmani është më shumë për karrige.

Ushtruesi i detyrës së kryetarit të PDK-së, Enver Hoxhaj, në seancën e sotme të jashtëzakonshme ku pritet votimi i Qeverisë Kurti, kritikoi kreun e Lëvizjes Vetëvendosje, Albin Kurti.

Hoxhaj tha se PDK nuk do ta votojë sot formimin e Qeverisë.

Me këtë rast, ai tha se e ka njohur Kurtin si person me vetëdije politike e jo si njeri, por që sot e pa të kundërtën te ai.

Ndërsa, ai komentoi edhe koalicionin e Lëvizjes Vetëvendosje me Vjosa Osmanin, me ç’rast tha se ky koalicion është më shumë për karrige.

“Koalicioni me zonjën Osmani është më shumë koalicion për karrike, dhe kjo ka qenë një fjalë që ju më shumë e keni përdorur në të kaluarën për shumë koalicione që janë bërë në vend. Ne do të bëjmë një opozitë, do të jemi zëri i qytetarëve. Por arsyeja e fundit që dua ta ngris është se pse kjo urgjencë e një seance të tillë pas konstituimit të Kuvendit dhe pse sot nuk keni vendosur ta zgjidhni fillimisht presidentin”, ka thënë ai.

Hoxhaj ka deklaruar se nga Kurti sot nuk dëgjoi asgjë për mos vazhdimin e dialogut derisa Serbia të kërkoj falje, nuk dëgjoi asgjë për Asociacionin e marrëveshjen e Ëashingtonit.

Sipas tij, Kurti edhe mëherët ka qenë kryeministër, por që Qeveria e tij ka qenë e papërgjegjshme.

“Ne jemi në një seancë në mars të vitit 2021, por duhet ta shtrojmë pyetjen se edhe në shkurt të vitit 2020 e kemi pasur kryeministrin Kurti po ashtu kandidat për kryeministër dhe është votuar si kryeministër. Dhe ajo çfarë ka ndodhur gjatë kësaj kohe është se i kemi pasur dy modele të qeverisjeve, atë Kurti dhe Hoti, që kanë qenë qeveri të papërgjegjshme, të paafta për të adresuar sfidat e brendshme dhe ato të jashtme”, ka shtuar ai.

Mundesia me shume...
Pamje me shume...
AlbaniaEnglishFrenchGermanItalyTurkey