Era e fortë shtyn lopën në autostradë, “pushton” korsinë e shpejtësisë

Aksi rrugor nga TEG në drejtim të Saukut është bërë sot objekt i një ngjarje të pazakontë. Një lopë e banorëve të zonës së Mjull Bathores “pushtoi” për disa minuta korsinë e shpejtësisë.

Dhjetëra makina kanë shpëtuar mrekullisht nga aksidenti i mundshëm, duke u detyruar të frenonin plotësisht për të evituar përplasjen. Në foto shihet ajo çfarë ka ndodhur në rrugë dhe shqetësimi i drejtuesve të mjeteve.

Të shqetësuar nga frika e ndonjë aksidenti, qytetarët kanë njoftuar policinë. Pak minuta më vonë, një patrullë policie e mbërritur në zonë ka bërë të mundur largimin e lopës nga rruga.

Përtej ngjarjes së sotme, drejtuesit e mjeteve shprehin shqetësimin për praninë e herë pas hershme të kafshëve në mes të rrugës, të cilat janë një burim potencial i aksidenteve në këtë segment.

SMART PUBLISHER

AlbaniaEnglishFrenchGermanItalyTurkey