Fiton 184 milionë franga në lotari, por vijon punën si kameriere (DETAJE)

Tetorin e kaluar u bë i njohur emri i saj në komunë, pasi komuna e saj e vogël pati befasisht të ardhura të jashtëzakonshme tatimore prej rreth 23,7 milionë frangash. Olivia K. 48 vjeç është gruaja nga Aargau që ka fituar 184 milionë franga në lotarinë “Euromillions”. Përkundër kësaj, gruaja me prejardhje nga Gjermania vazhdon të punojë tri ditë në javë si kameriere në restorantin ku punonte prej 11 vjetësh.

Numrat me fat: 7, 17, 29, 37, 45. Plus numrat me yje 3 dhe 11 i sollën asaj fitoren e madhe prej 183.9 milionë franga, më 2 tetor 2018. Kishte paguar vetëm 24.50 franga për biletën që e bëri multimilionere. Kjo ka qenë shuma e dhjetë më e madhe e fituar ndonjëherë në gjithë Evropën dhe më e madhja në historinë e Zvicrës në Euromillions.

Me gjithë fitimin e madh, Olivia ka vendosur të qëndronte në fshatin e saj dhe të mbante punën. Tetorin e kaluar u bë i njohur emri i saj në komunë, pasi komuna e saj e vogël pati befasisht të ardhura të jashtëzakonshme tatimore prej rreth 23,7 milionë frangash.

“Pasi fituam, vendosëm të ndërtonim një shtëpi të bukur për veten tonë”, tha Olivia K. Përveç kësaj, ajo dhe burri i saj secili blenë nga një BMË. Familja nuk ka fëmijë, por mban dy qen. Për shkaqe që dihen, ajo nuk ka pranuar të dalë në gazetë me emrin e saj të vërtetë. Po ashtu nuk ka dashur të publikohet as emri i restorantit ku punon dhe as i komunës.

SMART PUBLISHER

AlbaniaEnglishFrenchGermanItalyTurkey