Haradinaj ultimatum Albin Kurtit: Krijo qeverinë ose hap rrugën!

Sharing is caring!

Kryeministri në largim, Ramush Haradinaj ka porositur kryetarin e Lëvizjes Vetëvendosje, Albin Kurti që të gjejë formulën për të krijuar shumicën parlamentare, në mënyrë që t’i jepet fund epilogut për formimin e qeverisë së re.

Haradinaj thotë se është koha e fundit që Kurti si fitues i zgjedhjeve të deklaroi se çfarë propozon për gjendjen e krijuar, pasi sipas tij Kosova po rrezikon shumë për shkak të vazhdimit të takimeve pa rezultat.

“Unë pres nga Kurti që t’i thërret ndërgjegjes së vet. Ose ta gjen formulën me bë shumicën, në këtë rast me LDK-në, sepse unë s’jam palë e negociatave, ose të hapë rrugë. Të deklaron çka i propozon Kosovës fituesi i zgjedhjeve në këtë rast. Le të deklaron për çka është.

A është për një qeveri teknike, a është për një qeveri tjetër, a është për të shkuar në zgjedhje. Por diçka duhet t’i thotë Kosovës nuk mund ta mbajë vjerr. Nuk po e them këtë me nxënë ngushtë Kurtin, sepse Kosova është e zënë ngushtë. Detyra e qeverisë janë në krizë, shiheni procesin.

Unë jam i detyruar t’i them këto për shkak se unë më së miri e di se jam kryeministër në detyrë dhe jam përgjegjës. Dhe unë po i tregoj z.Kurtit se nuk është mirë të vonohet. Të lutëm mos u vono, ose krijo shumicën, ose jepi epilog kësaj gjendjes. Sepse jemi ka rrezikojmë më shumë sesa një parti. Pra jemi ka e rrezikojmë funksionimin e vendit”, tha Haradinaj.

Sipas tij, çdo vonesë në formimin e qeverisë do të ketë pasoja për vendin. Haradinaj thotë se si kryeministër në largim e ka vështirë mbarëvajtjen e qeverisë, pasi nuk po ka fuqi vendimmarrëse.

Përveç të pakuptueshme, prolongimin e formimit të qeverisë, Haradinaj po e vlerëson si shumë të rrezikshme dhe për këtë përgjegjës po bën vetëm Albin Kurtin dhe VV-në si parti fituese të zgjedhjeve të 6 tetorit.

Sharing is caring!

Loading...
shares