Hoti kërkon seancë për shpërbërje të Kuvendit

Shefi i grupi parlamentar të LDK-së, Avdullah Hoti, ka thënë se në mungesë të thirrjes nga presidenti Thaçi për konsultime për të caktuar datën e zgjedhjeve, ne do të kërkojmë thirrjen e seancës për shpërbërje të Kuvendit.

Hoti ka shkruar në llogarinë e tij në ‘facebook’ se në séance që do të thirret, paraprakisht do të kërkohet ratifikimi i marrëveshjes IPA me Bashkimin Evropian, e cila Kosovës i sigurojnë fonde rreth 100 mil euro.

‘’Por, në mungesë të një iniciativë të tillë nga Presidenti, ne do të kërkojmë thirrjen e seancës për shpërbërje të Kuvendit, siç parashihet me nenin 83, pika b, e Rregullores të Punës të Kuvendit. Në këtë seancë, paraprakisht do të kërkojmë ratifikimin e marrëveshjes IPA me Bashkimin Evropian, e cila Kosovës i sigurojnë fonde rreth 100 mil euro. Është e rëndësishme që këto fonde të mos humben për shkak se Kosova ka pasur një qeveri jo legjitime’’, ka shkruar Hoti.

Tutje Hoti ka theksuar se do t’i përgjigjemi ftesës së presidentit vetëm për të caktuar datën e zgjedhjeve dhe se asnjë temë tjetër nuk mund të diskutohen në këto konsultime.

“Ne ende nuk kemi marrë ftesë nga Presidenti për konsultime për të caktuar datën e zgjedhjeve. Këto vonesa janë të pa arsyeshme, duke ditur se vendi nuk ka qeveri efektive. Koalicioni PAN nuk ka pasur legjitimitet tash e një vit për të qeverisur me Kosovën dhe nuk ka as tani për të propozuar një mandatar të ri. Ne do t’i përgjigjemi ftesës së Presidentit vetëm për të caktuar datën e zgjedhjeve. Asnjë temë tjetër nuk mund të diskutohen në këto konsultime’’ , ka thënë Hoti. /Insajderi.com

The post Hoti kërkon seancë për shpërbërje të Kuvendit appeared first on Gazeta Online INSAJDERI.



Behu pjese e LAJME.mk , kliko LIKE fanpage ne facebook me posht!
Nga LAJME.mk July 31, 2019 3:26 pm ne Lajme. ne link https://lajme.mk/?p=148044
Nese ky postim qe eshte bere ne faqen Lajme.mk prek privatesin e dikujt ose eshte lajm abuzues ju lutem na shkruani ne email [email protected] lajme.mk ose ne fanpage facebook ose ContactUs, dergo linkun e mesiper qe te fshihet. Nuk mbajme pergjithesi per ndonje lajm qe eshte postuar qe eshte publik ne gjithe mediat. Ju faleminderit