Hoxhaj flet për Thaçin e Veselin: Jam i bindur se do të kthehen faqebardhë

Hoxhaj përmend Thaçin e Veselin në Konventë.

Ish-ushtruesi i detyrës së Kryetarit të PDK’së, Enver Hoxhaj, ka folur në Konventën e PDK’së, ku pritet të zgjidhet kryetari i ri i kësaj partie, raporton Express.

Në fjalimin e tij, Hoxhaj ka përmendur edhe dy ish-kryetarët e kësaj partie, Hashim Thaçin e Kadri Veselin.

“Jam i bindur se Kadri Veseli dhe Hashim Thaçi do të kthehen faqebardhë pasi që lufta jonë ka qenë e drejtë. Ata do t’i kthehen familjeve të tyre dhe PDK’së. Ne bashkëpuntorët e tyre jemi shumë krenarë me ta. Ata kurrë nuk e vendosën interesin personal mbi interesat e Kosovës”, ka thënë Hoxhaj.

Hoxhaj tha se PDK-ja ka lindur nga Ushtria Çlirtimtare e Kosovës dhe nga burgjet e ftohta të Serbisë.

“Partia Demokratike e Kosovës ka lindur nga Ushtria Clirtimtare e Kosovës dhe nga burgjet e ftohëta të Serbisë. Më vjen mirë që shoh figurat krijuëese të Partisë, mirëpo më vjen mirë që shoh edhe të rinjë, të cilët PDK-në nuk e shohin si pjesë të historisë, por edhe si ndërtuese të së ardhmes”, shtoi Hoxhaj.

Hoxhaj shtoi se kryetari i ri që do të del nga kjo konventë do ta ketë mbështetjen e të gjithëve.

Ndryshe, në Konventë do të marrin pjesë 794 delegatë.

Sipas afatit të përcaktuar në ditën e shpalljes së zgjedhjeve, deri të enjten në ora 17:00, kandidaturën për kryetar të partisë e ka paraqitur vetëm Memli Krasniqi.

Ndërsa ish-ushtruesi i detyrës së PDK-së, Enver Hoxhaj dy ditë më parë përmes një konference për media bëri të ditur se nuk do të kandidojë për të parin e partisë.

LAJME TJERA
AlbaniaEnglishFrenchGermanItalyTurkey