Immobile fiton Këpucën e Artë të Evropës

Guardiola me një super transfer nga Barcelona

Immobile fiton Këpucën e Artë të Evropës.

Sulmuesi i Lazios, Ciro Immobile, është zyrtarisht fituesi i Këpucës së Artë të Evropës 2020, pasi që Juventusi ia ka dhanë Cristiano Ronaldos pushim për ndeshjen e fundit të sezonit, atë kundër Romës.

Cristiano Ronaldo ishte i vetmi lojtar që mund të arrinte ta mposhtë Ciro Immobilen në garën për çmimin e golashënuesit më të mirë këtë sezon, të cilin tani e ka fituar me 35 golat e tij, transmeton Gazeta Express.

Megjithatë, trajneri Maurizio Sarri ia ka dhënë Cristiano Ronaldos pushim për ndeshjen e sotshme kundër Romës, duke bërë kështu që ai ta mbyllë sezonin me 31 gola.

Kjo do të thotë se Immobile do ta fitojë Këpucën e Artë të Evropës, pasi që as në Evropë s’ka arritur të fitojë askush më shumë sesa ai. Menjëherë pas Immobiles radhitet Robert Lewandowski, i cili sezonin 2019/20 në Bundesligë e mbylli me 34 gola.

Ai është italiani i parë që e fiton këtë çmim që nga sezoni 2006/07, kur Francesco Totti e kishte fituar atë me 26 golat e tij. Ndërsa, Luca Toni e kishte fituar atë në vitin paraprak, me 31 golat e tij për Fiorentinën.

Lionel Messi i Barcelonës e kishte fituar Këpucën e Artë të Evropës për tre vjet radhazi, ndërsa bashkëlojtari i tij në Barcelonës, Luis Suarez e kishte fituar në sezonin 2015/16.

SMART PUBLISHER

AlbaniaEnglishFrenchGermanItalyTurkey