Inspektorati Policor ndërmerr masat ndaj policit që nxiti urrejtje dhe fyeu popullin shqiptar

IPK ndërmerr këta hapa ndaj policit që fyeu popullin shqiptar dhe nxiti urrejtje.

Inspektorati Policor i Kosovës respektivisht hetuesit e Departamentit të Hetimeve kanë pranuar informacione nga Policia e Kosovës lidhur me shkrimet e publikuara në rrjete sociale nga zyrtari policor Safet Sajo Civovic, me detyrë në pikën kufitare “Kullë”.

Pas pranimit të informacioneve IPK ka filluar të ndërmarrë veprime hetimore dhe pas intervistimit të zyrtarit policor i njëjti është arrestuar dje në orët e mbrëmjes në Pejë.

Zyrtarit policor të dyshuar në këtë rast i është caktuar masa e ndalimit për 48 orë me vendim të Prokurorisë Themelore në Pejë me dyshimin se i njëjti ka kryer veprën penale “nxitja e përçarjes dhe mos durimit”, njofton IPK, tranmeton Gazeta Express.

“Hetuesit e IPK-së në koordinim të plotë me Prokurorinë e Shtetit në Pejë, do të vazhdojnë të ndërmarrin edhe veprime të tjera hetimore lidhur me këtë rast”, thuhet në njoftimin e tyre.

Mediat kanë raportuar se polici boshnjak, Safet Sajo Civovic ka zhvilluar një vizitë tek një mik i tij.

Krahas personit që ai ka pozuar (identiteti i të cilit nuk dihet), përmes përshkrimit ai ka nxitur urrejtje përballë shqiptarëve duke bërë edhe propagandë.

“Isha i nderuar të vizitojë këtë mik të madh- Shefin në Dobrushë i cili u bëri ballë terroreve shqiptare. E mëshiroftë Zoti”, ka shkruar ai krahas kësaj fotografie.

Mundesia me shume...
Pamje me shume...
AlbaniaEnglishFrenchGermanItalyTurkey