Karanfilova-Panovska: LSDM e harroi premtimin kyç “S’ka drejtësi, s’ka paqe” nga Revolucioni i larmë
LSDM ka iniciuar politika të gabuara dhe ka bërë shumë gabime në trajtimin dhe sanksionimin e korrupsionit, nuk ka ofruar shërbime të denjë publike për qytetarët, kishte vendime të këqija kadrovike, sidomos në eshallonin e dytë dhe të tretë të pushtetit, kishte shumë klientelizëm.Thjeshtë dhe shumë e rëndësishme, LSDM-ja harroi disa premtime kyçe, si ai […]
LSDM ka iniciuar politika të gabuara dhe ka bërë shumë gabime në trajtimin dhe sanksionimin e korrupsionit, nuk ka ofruar shërbime të denjë publike për qytetarët, kishte vendime të këqija kadrovike, sidomos në eshallonin e dytë dhe të tretë të pushtetit, kishte shumë klientelizëm.Thjeshtë dhe shumë e rëndësishme, LSDM-ja harroi disa premtime kyçe, si ai që mbante “S’ka drejtësi, s’ka paqe nga Revolucioni i larmë, në valën e shpresave dhe pritjeve të të cilit erdhi në pushtet, thotë Fani Karanfilova-Panovska në një intervistë për të përjavshmen “Fokus”.
Duke folur për gabimet e kaluara të LSDM-së dhe se si partia duhet të pozicionohet dhe të veprojë në të ardhmen, Karanfilova-Panovska thekson se nuk do të aktrojnë patriotizëm, por “do ta dëshmojmë se jemi patriotë përmes bashkimit, respektit për qytetarët, konsistencës së politikave tona, respektit për veten dhe zbatim të politikave gjithëpërfshirëse, të cilat sjellin progres”.
Ajo beson se qeveria e LSDM-së nuk i kushtoi vëmendje të mjaftueshme sigurimit të një konsensusi të gjerë shoqëror rreth kornizës së negociatave me BE-në. Në atë kontekst, shton nënkryetarja e LSDM-së, ka munguar komunikimi cilësor dhe i kuptueshëm te qytetarët për përafrimin e procesit të anëtarësimit në BE dhe rëndësinë e tij për reforma të brendshme dhe transformimin e shoqërisë.
“LSDM nuk duhet të lejojë që të dështojnë shtyllat mbështetëse të idesë socialdemokrate, ashtu siç duhet të qëndrojë seriozisht dhe të zbatojë parimin e meritës për hir të cilësisë, kompetencave dhe ekspertizës në përzgjedhjen e kuadrove që do të punojnë në krijimin dhe realizimin e politikave. LSDM-ja fitoi gjithmonë kur ishte konsistente me vlerat e opsionit të saj, edhe kur u përmbahej vlerave dhe vendimeve të guximshme të lidershipit ishin kundër disponimit dhe opinionit të shumicës së qytetarëve të Maqedonisë. Ajo që është edhe më e rëndësishme, vetëm atëherë fitoi edhe Maqedonia si shtet dhe shoqëri, dhe duhet të krenohemi me vendime të tilla burrërore dhe nuk duhet të relativizojmë”, thotë Karanfilova-Panovska, duke kujtuar Kushtetutën e parë, anëtarësimin në OKB me referencë e përkohshme FYROM, Marrëveshjen Kornizë dhe Marrëveshjen e Prespës, duke shtuar se në planin afatgjatë do të vlerësohet dhe vlerësohet Marrëveshja e Fqinjësisë së Mirë me Bullgarinë dhe pranimi i Kornizës aktuale të Negocimit me BE-në.
Ajo thekson se LSDM-ja nuk mund dhe nuk guxon të jetë VMRO-DPMNE, “autenticiteti i së cilës bazohet në një retorikë të fortë nacionaliste në stilin e vjetër, kryesisht duke përhapur në mënyrë të papërgjegjshme populizëm bosh”.
Kujtojmë se me 24 nëntor, Lidhja Socialdemokrate e Maqedonisë së Veriut (LSDM) mbajti Kongresin e 30-të, ku nënkryetare e re e LSDM-së u zgjodh Fani Karanfilova Pavlovska.
Zgjedhjet e liderit në LSDM u mbajtën në fund të qershorit pasi LSDM pësoi humbje katastrofike në zgjedhjet parlamentare të 8 majit, kur fitoi gjithsej 18 mandate parlamentare.
Ish-ministri i Shëndetësisë dhe deputeti aktual Venko Filipçe u zgjodh kryetar i Lidhjes Socialdemokrate të Maqedonisë së Veriut (LSDM).
