Klopp flet pas ndeshjes, ka fjalë të mëdha për skuadrën e Milanit

Trajneri i Liverpool, Jurgen Klopp ka komentuar fitoren e skuadrës së tij ndaj Milanit në Ligën e Kampionëve.

Liverpool ka triumfuar ndaj Milanit me rezultat 3 me 2, shkruan GazetaBlic Sport.

Ishte një ndeshje e jashtëzakonshme me përmbysje të mëdha, megjithatë skuadra angleze arriti të marrë fitoren në takimin e sotëm.

Tomori shënoi autogol, kurse Salah dhe Henderson shënuan golat e tjerë për Liverpoolin. Në anën tjetër, Rebic dhe Diaz shënuan golat për Milanin.

Klopp tha se skuadra e tij tregoi një lojë fantastike, por vlerësoi edhe Milanin për lojën e treguar.

“Ne filluam jashtëzakonisht mirë. Ne luajtëm një lojë fantastike. Një lojë intensive, por edhe e mençur. Ne luajtëm në të gjitha hapësirat. Ne ​​u ndëshkuam në minutat e fundit të pjesës së parë, por treguam gjallëri në lojë dhe arritëm që ta rikthenim rezultatin. AC Milan po kalon në një moment vërtet të mirë“.

“Të gjithë e dinë përfundimisht se AC Milan mund të shkojë larg në këtë grup. Është vërtet mirë që fituam sonte sepse kemi nevojë për secilën pikë në këtë grup“, përfundoi Klopp.

LAJME TJERA
AlbaniaEnglishFrenchGermanItalyTurkey