Kryeministri Kurti: FSK-ja është e gatshme për të mbrojtur sovranitetin dhe territorin e vendit

Kurti: FSK-ja është e gatshme për të mbrojtur sovranitetin dhe territorin e vendit.

Kryeministri i Kosovës, Albin Kurti, ka thënë se ushtrimi i Forcës së Ushtrisë së Kosovës “Defender European 21” e dëshmon qartë synimin e ushtrisë për një një ambient të sigurt dhe paqësor në Evropë dhe më gjerë.

“Veçantia e këtij ushtrimi lidhet me faktin se SHBA-të i dhanë besimin vendit tonë dhe FSK-së për herë të parë, të mirëpres një pjesë të këtij ushtrimi në territorin tonë. Pjesëmarrja e FSK-së në këtë ushtrim dëshmon qartë synimin e ushtrisë për një ambient të sigurt dhe paqësor në Evropë dhe më gjerë”.

“Profesionalizmi i juaj në këtë operacion vërteton se FSK-ja është e vullnetshme, e gatshme e aftë për të ndihmuar dhe kontribuar për sigurinë kontinentale dhe globale. Ju ushtarakë gjatë këtij ushtrimi keni shtyrë kufijtë e juaj më të skajshëm, ju ua dëshmoni qytetarëve se forca jonë është e gatshme për të mbrojtur sovranitetin dhe territorin e vendit tonë dhe çdo ditë me shumë është duke arritur standardet që duhet për t’u bërë pjesë e strukturave euro-atlantike”.

Kurti pas vizitës së FSK-së ka deklaruar se do të vazhdojë mbështetjen për FSK-në si dhe do të rrisë buxhetin për të.

“Unë jam i bindur që pas këtij ushtrimi FSK ka fituar aftësi të reja ushtarake, ju përgëzoj edhe njëherë. Unë dhe kabineti im do të vazhdojmë mbështetjen, do ta shtojë buxhetin për FSK-në në rrugën e saj për arritjen e kapaciteteve të plota operacionale. Populli ynë e donë dhe e mirëpret paqen, shteti është faktor dhe kontribues i paqes, bashkë qëndrojmë krenar dhe dalim fitimtarë”, ka thënë Kurti.

Mundesia me shume...
Pamje me shume...
AlbaniaEnglishFrenchGermanItalyTurkey