Mickoski për një TV të Shqipërisë flet për shqiptarët, maqedonasit dhe ironinë e Ramës

Kryetari i VMRO-DPMNE Hristijan Mickovski i ftuar në emisionin ‘Çim Peka Live’ në Syri Tv komentoi nismën ‘Ballkani i Hapur’, çeljen e negociatave për integrimin në BE dhe deklaratën e Ramës për kryeministrin e Maqedonisë para kancelarit gjerman Olaf Scholz.

Mickoski shprehu mjaft rezerva për nismën ‘Open Balkan’ ndërsa theksoi se ai personalisht mbështet ‘Procesin e Berlinit’.

Sa i përket deklaratës së Ramës ai është i mendimit se kreu i qeveirsë shqiptare duhet të kërkojë falje për fyerjet. Në lidhje me çeljen e negociatave për integrimin në Bashkimin Europian, ai tha se vetoja bullgare po pengon procesin.

Intervista e plotë

Çim Peka: Zoti Miçkovski, mirëmbrëma!

Kristian Miçkovski: Ju faleminderit që më ftuat, kënaqësi!

Peka: Po e filloj menjëherë me deklaratën e kryeministrit shqiptar, që ai e cilësoi një batutë dhe nga ju është kundërshtuar ashpër. Në Shkup është mbajtur një protestë, dhe në fjalimin tuaj ka qenë pjesë edhe deklarata e papranueshme sipas jush, e kryeministrit shqiptar ndaj atij maqedonas dhe kërkesa juaj për dorëheqjen e kryeministrit maqedonas, i cili deklaratën e Ramës, që e prezantoi si kryeministri i Bullgarisë perëndimore e kaloi vetëm me një buzëqeshje, pa reagim. A është kjo sipas jush, thjeshtë një humor i zotit Rama, i zi, apo ka edhe nuanca të tjera politike.

Miçkovski: Pikësëpari përshëndes shikuesit tuaj dhe gjithë qytetarët shqiptarë. Ju kërkoj ndjesë për zërin, se më ka ngelur pak i ngjirur prej protestës. Deklarata e Ramës, nuk ishte tema apo çështja kryesore e protestës. Tema kryesore ishte standardet shumë të këqija të jetesës së qytetarëve maqedonas. Kushte të tmerrshme dhe një qeverisje e keqe e kryeministrit artificial, i vendosur nga Zoran Zaev. Mes temave të protestës ne duhet të përqendrohemi edhe tek deklarata e Ramës, humorit të tij të keq dhe nuk e kuptoj se pse tallej me emrin e vendit tonë. Dhe pse, në vende që të tregohet një fqinj i mirë dhe të ndajë vlerat evropiane, ai tallet, ofendon, qytetarët e shtetit tonë, pavarësisht përkatësisë politike. Në vend që të gjejë një justifikim për këtë shaka, ai duhet të kërkojë falje dhe kurrë në të ardhmen të mos përsërisë këto shaka me emrin tonë, sepse kjo u konsiderua si një fyerje për kombin dhe qytetarë tanë. Unë mendoj se maqedonasit, shqiptarët, çdo etni në Ballkan, nuk i meritojnë këto shaka të Ramës.

Peka: Ne shikojmë që Rama nuk po sillet si fqinj i mirë me Kosovën, por nuk kemi parë që të jetë sjell kështu me Maqedoninë. Për ju është fyerje, për Ramën është një batutë, për kryeministrin tuaj e kaloi me një batutë. Pse për kryeministrin maqedonas nuk është fyerje, por për ju po?

Miçkovski: Me siguri duhet ta dini se për shkak të marrëveshjes së Prespës, ne ndryshuam emrin tonë. Dhe ky ishte një parakusht për integrimin në NATO dhe hapjen e negociata me BE. Dëshiroj ti kujtoj qytetarët e Shqipërisë, se kemi 22 vite në lobim dhe nuk kemi as mundësinë dhe lejen që të hyjmë në një sallë dhe të nisim negociatat me BE. Janë bërë 22 vite që kur kemi firmosur marrëveshjen e stabilizim-asociimit dhe që atëherë jemi kushtëzuar prej fqinjit tonë, Greqisë. Sepse ky emër, zënkë qesharake për mendimin tim, u detyruam që të zbatonim metodologjinë që ndryshoi, për fillimin e negociatave. Kurse tani është kërkesa e Bullgarisë për asimilimin e maqedonasve, dhe ndryshimin e kulturës dhe trashëgimisë tonë. Ky është një moment mjaft delikat. Jemi mjaft të acaruar si maqedonas dhe gjëja e fundit që prisnim nga një fqinj i mirë, mënyra se si sillet Rama, publikisht, ishte pikërisht kjo batutë dhe thashë, pavarësisht nga përkatësia e çdo kujt, askush nuk duhet të thotë një fyerje të tillë.

Peka: Para dy viteve nuk kishte kusht për Maqedoninë, që të mbahej tryeza e parë ndërqeveritare. Ishte fakt që presidenti francez mendonte se Shqipëria nuk ishte gati për tryezën e parë ndërqeveritare dhe që Shqipëria të mos lihej vetëm, u penalizua Maqedonia e Veriut. Ndërkohë na del një kusht Bullgar dhe argumentohet që Maqedonia të mos jetë vetëm, i bashkohet edhe Shqipëria. E besoni se Shqipëria po penalizohet nga Maqedonia e Veriut dhe kushti Bullgar është që jo gjithmonë Shqipëria të konsiderohet si delja e zezë.

Miçkovski: Nuk mund të komentoj lidhur me marrëdhëniet mes Bullgarisë dhe Shqipërisë. Ndoshta qeveritë e dy vendet duhet të diskutojnë, bisedojnë për këto çështje që ju po ngrini tani. Unë mund të flas veç për marrëdhëniet mes Maqedonisë e Shqipërisë dhe Maqedonisë dhe Bullgarisë. Sikurse e thashë, maqedonasit janë mjaft të acaruar pasi kemi 22 vite që kur na është premtuar hyrja në BE. Që atëherë na janë vendosur shumë pengesa. Shumë të rinj kanë ikur jashtë vendit për shkak të zhgënjimit. Unë jam profesor në universitet në Shkup, kam studiuar edhe jashtë, por vendosa të kthehem. Kjo është përvoja ime. Ndërsa përvoja e një pjese të madhe të rinjsh nuk është e njëjtë si e imja, pasi ata nuk pranojnë të kthehen. Vendi mund të kthehet në një djerrinë, pasi të rinjtë nuk kthehen. Ky është shansi i fundit për KE-në që të ushtrojë një presion të madh ndaj Bullgarisë dhe ti bindë që tani është çasti i duhur për të nisur negociatat. E theksoi, për 22 vjet, as Shqipëria, as Kroacia, as Rumania, as Bullgaria nuk kanë pritur kaq gjatë që nga momenti i nënshkrimit të protokollit të stabilizim asociimit për të hyrë në BE. Vendi ynë ka 30 vite pavarësi dhe ngelet peng i sherreve të kota mes fqinjëve. Fillimisht ishte zënka për emrin dhe tani çështja e identitetit tonë. Ju lutem të kuptoni se të bësh lojë me identitetin e një vendi nuk është një gjest i sjellshëm.

Peka: Megjithatë z. Miçkovski, a i keni kërkuar një sqarim kryeministrit të shtetit tuaj, se pse heshti dhe e kaloi me një buzëqeshje atë që tha Edi Rama.

Miçkovski: Kërkuam një shpjegim, por nuk morëm një përgjigje. Në fakt nuk e di nëse ju keni informacion për mënyrën e tij të emërimit si kryeministër. Sa për informacion, kur qeveria e re socialdemokratët u mundën ndjeshëm në raundin e parë dhe të dytë në zgjedhjet vendore dhe kur ne fituam shumicën e bashkive në vend, në atë kohë lidershipi aktual i socialdemokratëve dha dorëheqjen. Në vend që të organizonte zgjedhjet e hershme parlamentare u vendos që të emërohej artificialisht një person që tani sillet si kryeministër. Praktikisht është pjesë e kësaj fyerje të madhe dhe nuk është hera e parë. Ka pasur shumë raste përpara kësaj ‘shakaje idiote’ me identitetin e vendit tonë. Ai nuk pa përvojë diplomatike, nuk ka përvojë politike. Ai është emëruar artificialisht dhe është zgjedhur po ashtu nga shumica e përbërë nga 62 deputetësh, nga 130 në parlamentin tonë. Ne jemi grupi i madh i opozitës, kemi numrin më të madh të bashkive, kryetarëve të këshillave bashkiakë, por po mbetemi në opozitë për shkak të kësaj që po ndodh në Maqedoni. Dua të them se ai nuk ka asgjë të përbashkët me politikën, por e kanë emëruar për të mbrojtur disa interesa të tjera, në interes të paraardhësit të tij, të familjes së tij dhe partnerëve të koalicionit. Për këtë arsye, edhe qytetarët maqedonas janë mjaft të acaruar. Pas sondazhit të fundit, më tepër se 70 % e qytetarëve mendojnë se vendi po shkon në drejtim të gabuar dhe qeveria aktuale duhet të japë dorëheqjen. Kjo në fakt ishte edhe tema kryesore e protestës tonë. Kjo qeveri duhet të japë dorëheqjen dhe ne duhet të organizojmë zgjedhjet hershme parlamentare.

Peka: Unë jam në dijeni të kësaj situate, por është fakt se opozita juaj ka fituar zgjedhjet lokale në mënyrë bindëse më shumë se çdo opozitë tjetër. Pyetja ime për ju është; a është i vërtetë fakti që Zoran Zaev kur dha dorëheqjen ju ka ofruar bashkëqeverisje, madje dhe postin e kryeministrit, por ju nuk keni pranuar.

Miçkovski: Nuk është e vërtetë. Ka qenë një ofertë ku praktikisht Zaev vendosi që ta nënshkruante marrëveshjen me Greqinë kur ndryshoi emrin kushtetues. Asokohe në konsideronim se kjo marrëveshje nuk ishte përgjigje për problemet tona dhe u përpoqëm që të paralajmëronim edhe atë dhe partnerët e tjerë të koalicionit qeverisës, se nuk ishte kjo zgjidhja e të gjitha problemeve tona. Ai e refuzoi propozimin tonë dhe kështu që nuk ishim në të njëjtën sallë me të dhe nuk qëndruam bashkë me të dhe partnerët e tij të koalicionit. Kjo ka ndodhur në 2018 dhe është e vetmja kohë, kur ai ofroi një koalicion me bazë të gjerë dhe u përpoq që të ndante përgjegjësinë me ne. Ai e tradhtoi vendin, duke nënshkruar një marrëveshje që nuk është përgjigje për të gjitha problemet tona. Është e qartë se ne kemi qenë të detyruar edhe në rastin aktual është Bullgaria dhe nuk kemi mundur të nisim negociatat për shkak të disa arsyeve të paqena.

Peka: Kur thoni nënshkroi një marrëveshje e keni fjalën për atë të Prespës. Partia juaj dhe blloku opozitar në rast se vjen në pushtet, i qëndron asaj marrëveshje, pavarësisht se është e kënaqur apo jo?

Miçkovski: Marrëveshja e Prespës tashmë është një realitet në vend. Është zbatuar në institucione, Kushtetutë në një mënyrë të dhunshme. Do të ishte një standard i dyfishtë. Ne tashmë jemi pjesë e këtyre institucioneve. Nëse jemi pjesë e institucioneve, kemi kryetarët tanë të bashkive, deputetët tanë dhe nuk mund të themi se kjo marrëveshje nuk ekziston, sepse ajo është një realitet dhe nëse do ta kundërshtonim atëherë do të mashtronim zgjedhësit tanë. Pavarësisht realitetit ne duhet të vazhdojmë të luftojmë dhe të prezantojmë të vërtetën dhe të përpiqemi të rregullojmë dhe gjejmë një zgjidhje për të gjitha të këqijat që kanë ndodhur në 5 vitet e fundit.

Peka: Me Greqinë është marrëveshja e Prespës, është një fakt dhe nuk keni ca ti bëni më. Opozita juaj në qeveri, çfarë është e gatshme të lëshojë ndaj Bullgarisë që të mos ketë më kushte për Maqedoninë e Veriut. Deri ku jeni të gatshëm të sakrifikoni.

Miçkovski: Mendoj se kemi sakrifikuar mjaftueshëm dhe duhet të përqendrohemi tek vetja, të përmirësojmë institucionet dhe mbi të gjitha duhet të fillojmë të zbatojmë shtetin e së drejtës dhe të luftojmë korrupsionin. Këto shtylla kryesore, janë çështjet madhore për qytetarët dhe këto dy shtylla janë të rëndësishme për shoqërinë tonë. Nëse ne përmirësojmë shtetin e së drejtës dhe kapacitetin e institucioneve për të luftuar krimin dhe korrupsionin, atëherë përshpejtojmë rrugën tonë drejt negociata dhe anëtarësimit në BE. Prandaj unë nxis ndërprerjen e çdo lloj lëshimi. Ne ndryshuam Kushtetutën, flamurin në fillim të viteve ’90. Tani ndryshuam emrin dhe prapë na lënë në korridor dhe nuk ka futin në sallë që të nisim procesin e negociatave. Tani duhet të përqendrohemi të vetvetja dhe të përmirësojmë shoqërinë tonë. Gjithçka tjetër do të ngelet një çështje e dorës së dytë, apo tretë.

Peka: Megjithatë z. Miçkovski, në samitin e Bukureshtit ish-kryeministri Nikola Gruesvki, kur do ti jepej anëtarësimi në NATO, njëlloj si Shqipërisë, vetëm për shkak të kufizimit të emrit, e la atë samit, u kthye në Shkup dhe për gati 1 dekadë Maqedonia e Veriut nuk u bë pjesë e NATO-s pasi ish-kryeministri juaj nuk pranoi ndryshimin e emrit. U rrëzua nga pushteti, erdhi një qeveri e re, ndryshoi emrin, sot jeni anëtarë të NATO-s. Në finale, çfarë humbën e fituan maqedonasit. Thjeshtë humbën 10 vjet, emri shkoi aty ku kërkonin grekët. A mos ndoshta do të ndodhë e njëjta gjë edhe me Bullgarinë. Do humbisni kohë dhe në finale do të shkohet në një marrëveshje, në atë që konsiderohet tryezë e parë ndërqeveritare Shkup-Bruksel?

Miçkovski: Ju keni plotësisht të drejtë. Nëse i kthehemi vitit 2008, gjatë samitit të Bukureshtit, kundër nesh vuri veton Greqia. Kryeministri i asaj kohe, Karamanlis dhe ministrja e punëve të Jashtme, Dora Bakojanis. Ne nuk donim të ndryshonim emrin kushtetues, por për mendimin tim modest, gabimi i madh ishte kur delegacioni u kthye në vend dhe nuk e nisi mirë të gjitha proceset e tjera në vend. Këto procese i dhanë grekëve një justifikim për sjelljen e tyre. Ne duhet të tregohemi inteligjentë tani dhe të mos ju japim justifikime bullgarëve. Prandaj them të përqendrohemi tek vetvetja, të përmirësojmë shoqërinë, kapacitetet e institucioneve dhe kjo do të jetë përgjigja.

Peka: Ekzakt këtë që po thoni ju se duhet të bëjë Maqedonia e Veriut me bullgarët, këtë gjë e bëri Kryeministri Gruevksi me grekët, vendosi të merrej me problemet e brendshme të Maqedonisë dhe ju dha kohë grekëve. A mos ndoshta ajo çfarë ju po propozoni në lidhje me Bullgarinë është e njëjta gjë që bëri Gruevksi me Greqinë?

Miçkovski: Jo, prandaj thashë që lëvizja jonë ishte një lëvizje e gabuar dhe kjo ju dha grekëve një mundësi për sjelljen e tyre, prandaj po them. Të përqendrohemi tek problemet e vërteta dhe tek çështjet e vërteta që lidhen me qytetarët e vendit. Nëse ne e kemi mirë ekonominë, shërbimin shëndetësor, arsimin, nëse jemi ndër vendet më të mira Europiane që lufton krimin dhe korrupsionin nëse zbatojmë ligjin më besoni se burokratët e Brukselit dhe vendet e Bashkimit Europian do të ushtrojnë më tepër presion ndaj Bullgarisë që të bëjë disa hapa mbrapa, të tërhiqet dhe të mund të nisim procesin e negocimit dhe ne do të jemi ai fëmija i preferuar në klasë. Ne sot nuk jemi ai fëmija po nxënësi i preferuar në klasë.

Peka: Zoti Miçkovski u shprehët pak më parë se ‘nuk kemi çfarë t’ju afrojmë dhe t’ju lëshojmë më tej Bullgarisë, ne thjeshtë duhet të plotësojmë standardet brenda duhet të luftojmë korrupsionin dhe krimin. Megjithatë, ju jeni pasardhës i Nikola Gruevskit, keni qenë këshilltar i kryeministrit Gruevski i cili është i dënuar, por nuk është para drejtësisë, a është ky një standard i dyfishtë? A jeni i besueshëm kur shpreheni se do të luftoni korrupsionin ndërkohë që ish-kryeministri juaj është i dënuar dhe nuk është para drejtësisë në Shkup?

Miçkovski: Unë besoj se përgjigjja e duhur për pyetjen tuaj është se: Kush e la të ikte? Unë nuk kam qenë kryeministër kur qeveriste Gruevski, ka qenë dikush tjetër dhe ky është Ministri i Punëve të Brendshme. Kështu, përgjigjja ndaj pyetjes duhet të jepet nga dikush tjetër. Përsa i përket mendimit tim personal, askush nuk mund t’ia mbathë nga drejtësia. Nëqoftëse drejtësia nuk aplikohet në rrugë politike dhe nuk është kjo situata në vendin tonë, gjyqtarët, prokurorët, janë tërësisht në trysninë e elitës politike dhe ne duhet të punojmë për këtë në të ardhmen dhe të ndryshojmë gjërat nëse duam një shoqëri të mirë. Nëse jo, bullgarët do të gjejnë gjithmonë justifikime. Nuk e di nëse jeni të vetëdijshëm për kërkesat e Bullgarisë për identitetin tonë.

Së pari ata na kërkojnë të anulojmë nga gjuha jonë, sepse gjuha maqedonase është një ‘variete’ një variant, një formë e folur e gjuhës bullgare, por gjuha jonë është e kodifikuar, është ndryshe nga gjuha bullgare. Së dyti duan të vërtetojnë se ne kemi qenë bullgarë deri në 2 Gusht 1944 dhe pastaj u zgjuam një ditë dhe u kthyem në Maqedonas. Atëherë unë po ju pyes a është kjo një vlerë Europiane?! Sipas ‘Gasperit’, në bazë ta parimeve të të cilave është krijuar Bashkimi Europian? Jo! Kjo mund të jetë gjithçka por vetëm vlerë Europianë nuk është. Po të ishit ju në pozicionin tim… do t’u bënit akoma lëshime Bullgarëve?A do të binit dakord me ndonjërën prej këtyre shtyllave që të hiqnit dore nga gjuha juaj, nga para ardhësit tuaj dhe të hiqnit dorë nga identiteti juaj??

Peka: Zoti Miçkovski ajo çfarë më bëri përshtypje, sigurisht që ju keni të drejtë të ruani identitetin tuaj kombëtar në çdo lloj forme… por pyetja ime për ju është: Si ka mundësi që Bullgarët u kujtuan këto dy vite për këto kushte dhe jo para dy vitesh?!

Miçkovski: Sepse u firmos marrëveshja me fqinjin në 2017-ën, me paraardhësin dhe në kërkuam dhe thamë se nënshkrimi i kësaj marrëveshjeje do të bënte që bullgarët të kufizonin edhe më shumë rrugën tonë drejt Bashkimit Europian. Aso-kohe, kjo krijoi probleme, dhe besoj se koha e treguar se ne kishim të drejtë. Unë e kam paralajmëruar personalisht se po bënte një gabim. Tani, sipas propozimit të fundit që mbërriti para 4 a 5 ditësh, kjo marrëveshje e fqinjësisë parashikon që historia do jetë pjesë e kuadrit të negociatave dhe kjo marrëveshje e fqinjësisë së mirë do jetë pjesë e kuadrit të negociatave, dhe puna e komisionit të historisë do jetë pjesë e kësaj marrëveshjeje të historisë, në mënyrë që të mos ketë probleme kur flitet për atë që ka ndodhur në shekullin e 15-të apo 19-të. Atëherë ne do jemi të kushtëzuar nga Bullgarët dhe nuk do të mund të vazhdojmë aplikimin për në Bashkimin Europian.

Do të kthehemi përsëri në hapat tonë të para. Nënshkrimi i një marrëveshjeje nuk të bën ty një person më të mirë dhe as një politikan më të mirë , ky është problemi. Duhet të marrësh në konsideratë të gjitha kërcënimet e mundshme. Çfarë do të ndodhë pas disa vitesh? Nëse ti po sot nënshkruan këtë dokument, ky dokument është një garanci pa kushte pa kufizime , apo do të jetë një instrument që kundërshtarët të vënë në rrezik të ardhmen tënde??! Kjo formë e nënshkrimit të marrëveshje prej Zaevit po na bën që tani të ndjejmë pasojat e këtij eksperimenti politik. Gjithsesi ne po jetojmë në këtë realitet, po përballemi me të.. duhet të luftojmë kundër këtyre kërcënimeve që të gjejmë zgjedhje të mundshme për të kapërcyer pengesat.

Peka: Le të kthehemi të flasim për audiencën tonë, për raportet mes shqiptarëve dhe maqedonasve. Z. Miçkovski nuk është fakti i para një ore që shpesh herë është thënë se VMRO DPMNE në ADN-në e saj ka një qasje anti-shqiptare. E para sa qëndron kjo dhe e dyta , si do arrini ju, që shqiptarët e Maqedonisë së Veriut t’i bëni pjesë tuajën ose të bashkë-qeverisni me ta pa komplekse nga të dyja palët?

Miçkovski: Së pari e kundërshtoj plotësisht këtë koment që në ADN-në tonë VMRO-DPMNE është kundër shqiptarëve. Është tërësisht e kundërta. Në zgjedhjet e fundit vendore për herë të parë që pas pavarësisë së Maqedonisë, pala maqedonase dhe partitë maqedonase i mbështetën partitë shqiptare para se të niste procesi i zgjedhjeve. Ne mbështetëm kandidatët e mundshëm shqiptarë, në Tetovë, në Strugë edhe në bashki të tjera ku përbëjnë shumicën shqiptarët edhe në Gostivar për shembull. Unë me krenari them se opozita shqiptare siç quhet në vend për shkak të mbështetjes sonë fitoi në Tetovë në Gostivar dhe kjo më bën të ndjehem shumë krenar sepse për herë të parë ne krijuam një koalicion para një fushate elektorale. Dëshiroj të theksoj se kjo ka ndodhur për herë të parë pas pavarësisë tonë. Së dyti unë kam një komunikim shumë të mire më shqiptarët në vend dhe mendoj se marrëdhëniet në vend mes shumicës maqedonase dhe shqiptarëve janë shumë pozitive, ne kemi po të njëjtin fat nënë Maqedonia dhe nënë Shqipëria, qajnë gjithnjë kur fëmijët e tyre emigrojnë për shkak të standardeve të ulëta brenda vendit. Dhe loti i nënave maqedonase dhe i nënave shqiptare nuk ndryshon. Kur qan një nënë maqedonase , kur qan një nënë shqiptare kur fëmija largohet nuk ka dallim. Pra, ne kemi të njëjtin fat . Kemi të njëjtin realitet dhe të keq përdorësh nacionalizmin në shekullin 21 në një vend multietnik si Maqedonia them se është një hap shumë i gabuar. Mendoj se marrëdhëniet mes maqedonasve, shqiptarëve, romëve , serbëve, vllahëve, etj, brenda vendit janë të mira. Nuk do thoja të shkëlqyera sepse ka gjithmonë hapësirë për përmirësim, por do thoja që janë të mira.

Peka: E qartë! Z.Miçkovski është akuzuar jo rrallë… sepse është me fakt qe VMRO është mbajtur në pushtet dhe ka qenë në koalicion me BDI-në e Ali Ahmetit, por është akuzuar jo rrallë se kjo qeverisje ka ardhur edhe për shkak të raporteve apo përfitimeve personale të krerëve të VMRO-së dhe BDI-së? E para ju a konfirmoni apo përgënjeshtroni këto akuza? Dhe e dyta: Nëse ju fitoni zgjedhjet a do ishit të gatshëm të qeverisni sërish me BDI e Ali Ahmetit?

Miçkovski: Përsa i përket pyetjes lidhur mes marrëdhënieve të Gruevskit dhe Mehmetit them se duhet të pyesni ata dhe do ju japin një përgjigje më të mirë.

Si e parashikoj unë të ardhmen?

Unë dëshiroj dhe do të bëj ç’kam mundësi të ndihmoj opozitën shqiptare brenda vendit. Nëse më pyesni pse do të thoja, se 20 vjet në qeveri është një periudhë shumë e gjatë. Duhet të rrinë edhe ca kohë në opozitë në mënyrë që të ri konsiderojnë edhe njëherë mendimin e tyre ne lidhje me disa çështje. Sidomos për një ristrukturim personal , për një ‘katarsis’ brenda partisë. Për mendimin tim modest mendoj se ne duhet të mbështesim fuqishëm opozitën shqiptare sepse mendoj se ata duhet të kenë shansin që të bëhen pjesë e qeverisjes. Por ne kemi një element kushtetues dhe shumë ligje të reformave varen nga Kushtetuta dhe termat e kushtetutës. Nuk mund të ekzekutojmë dot reformat nëqoftëse nuk kemi vetëm shumicën e parlamentit dhe shumicën e saj që quhet ‘bodi-tern’. Që do thotë që ne kemi nevojë për shumicë mes etnive më përjashtim të etnisë maqedonase. Pra ka një dallim mes BDI-së siç e thatë ju dhe opozitës shqiptare. Nuk do jetë e mundur që të bëjmë ndonjë ndryshim duhet të komunikohet dhe bisedohet me ta. Duhet të diskutojmë se ç’strukturë duhet të ketë qeveria e re. Ne kemi tre vende më shumë se social demokratja dhe për pak mund të kemi shumicën në parlament . Kjo është arsyeja kryesore se pse ata duan zgjedhje të parakohshme dhe pse po i kundërshtojnë zgjedhjet e parakohshme. Megjithatë le ta shpërfillim këtë fakt! Ne kemi nevojë që estabilshmenti shqiptar politik të jetë pjesë e qeverisjes. Duhet t’i vazhdojmë reformat kudo dhe duam që të gjithë etnitë të bëhen pjesë e këtyre qeverisjeve në të ardhmen.

Peka: Në fakt… z. Miçkovski para disa ditësh e pyeta zotin Ali Ahmetaj se si ka mundësi që jeni i preferuari i të gjitha partive maqedonase, ai ma hodhi poshtë këtë gjë, momentalisht ma konfirmoni edhe ju që ju do preferonit opozitën shqiptare. Megjithatë Ali Ahmeti e ka si mburrje, po e quan sukses politik…faktin që muajt e fundit të mandatit kryeministri i Maqedonisë duhet të jetë shqiptar. Opozita maqedonase, ju, VMRO, do të ishit dakord apo jeni totalisht kundër që kryeministri i Maqedonisë së Veriut në 6 muajt e fundit, të jetë shqiptar?

Miçkovksi: Unë kam propozuar që një shqiptar të jetë Kryeministër. Unë i kam ofruar zotit Afrim Gashi që të bëhet Kryeministër në një konferencë publike. Asokohe social demokratët dhe BDI vendosën që ta hedhin poshtë propozimin tim dhe çështja kryesore nuk është a pranojmë ne apo jo por përse social demokratët e kundërshtuan propozimin tim? Ndoshta ngaqë Afrim Gashi nuk është pjesë e BDI-së dhe sipas Ali Ahmetit dhe politikanëve të tjerë BDI ka të drejtë të privatizojë interesat e shqiptarëve në vend. Bëni mirë që këto pyetje t’i bëni në një mënyrë tjetër. Përse BDI dhe social demokratët nuk pranuan propozimin tim që Afrim Gashi të bëhej kryeministër?!

Peka: Zoti Miçkovski cili është qëndrimi juaj dhe i Partisë tuaj për ‘Ballkanin e Hapur’?

Miçkovski: Kam dy komete por këtë projekt, meqenëse nuk kemi informacion për synimin e kësaj iniciative. Komenti im i parë është se praktikisht çdo iniciativë e fqinjësisë është iniciativë e mirë për rajonin dhe ne ofrojmë mbështetje kur synimet janë të drejta dhe të qarta, dhe kur këto objektiva mund të përmirësojnë kapacitetin e bashkëpunimit mes vendeve të Ballkanit. Njëherë dëgjova se njëri prej objektivave të iniciativës së Ballkanit të Hapur ishte liberalizimi i tregtisë, përshpejtimi i tregtisë, shkëmbimi, lëvizja e njerëzve në mënyrë dinamike, kështu që në aspektin gjeografik pyes se si i i kapërcejnë shqiptarët dhe serbët vështirësitë dhe problematikën? Mund të ma sqarojë dikush këtë?!

Peka: Për këtë edhe mund të pyesni kryeministrin tuaj, i cili është pjesë e këtij projekti…

Miçkovski: Po, kur ta takoj herës tjetër do e pyes.

Peka: Sepse jam i sigurt se është shumë më i informuar se sa unë.

Miçkovski: Okej.

Peka: Megjithatë, pyetja është konkrete, me ju kryeministër… Maqedonia e Veriut i bashkohet këtij projekti apo ka prioritet ‘Procesin e Berlinit’?

Miçkovski: Së pari duhet të shohim se cili është synimi i këtij procesi dhe më pas do të vendosim për opozitën tonë. Deri më tani ne nuk e dimë thelbin, substancën e kësaj iniciative … por sigurisht që jemi pjesë e ‘Procesit të Berlinit’ sepse të gjitha vendet e Ballkanit janë pjesë e ‘Procesit te Berlinit’.

Peka: Edhe një pyetje të fundit… ka pas jo pak sulme për paraardhësin tuaj i cili në fakt nuk u rrëzua nga pushteti duke humbur zgjedhjet por u rrëzua nga pushteti me ‘kryeministra artificialë’, duke bashkëpunuar në atë kohë më BDI-në, e kam fjalën për zotin Gruevski.

Një prej akuzave që shqiptarët i shqetëson është… se partia juaj është një prej partive me linjën më afër pro-ruse se sa perëndimit. A ka një koment të zotit Miçkovski për këtë gjë dhe… a qëndrojnë këto akuza??

Miçkovski: Mund t’ju jap komentin tim për këtë çështje. VMRO DPMNE ka qenë partia e parë politike demokratike dhe në statutin e e partisë tonë që prej themelimit të saj, objektivi ynë ishte që të ishim anëtarë të plotë të BE-së, dhe NATO. Flas për vitet ’90, kur vendi sapo kishte fituar pavarësinë. Asokohe ndjekësit e ish-komunistëve, sot socialdemokratët ishin kundër kësaj ideje, kështu që dilni vetë në konkluzionin se kush ishte më afër Rusisë dhe kush ishte pranë perëndimit dhe mbronte interesat e Ballkanit. Në këndvështrimin historik nuk besoj se Maqedonia do të ishte toka ku interesat ruse do të ishin të mëdha. Marrim në konsideratë traktatin e Versajës, Bukureshtit. Them se ka pasur vende të tjerë të Ballkanit më në interes të rusëve. Grekët, bullgarët, serbët, madje dhe shqiptarët, por jo maqedonasit. Ne gjithmonë kemi qenë në fund të prioritetit rus. Pjesa tjetër e përgjigjes time, lidhur me akuzën se VMRO-DPMNE është e lidhur me interesat ruse, më lejoni të ju jap përvojën time nga një diplomat i njohur kur erdhi në selinë time dhe filloi të më sulmonte se; je i afërt me këtë, me atë, je prorusëve etj. Kur mbaroi se foluri unë i thashë; dëgjo zotëri, ti je mjaft i njohur, je ekspert, ke dëgjuar shumë informacione, por të lutem më jep një fakt, kë kam kontaktuar unë. Bëj kontakt me kë. Nëse ti më jep një fakt, më jep një provë, atëherë unë do të thërras një konferencë shtypi dhe do të jap dorëheqjen, në të kundërt do të më kërkosh falje.

Peka: Zoti Miçkovski ju falënderoj shumë për intervistën.

Miçkovski: Faleminderit shumë.

© SYRI.net

LAJME TJERA
AlbaniaEnglishFrenchGermanItalyTurkey