Mickoski-Varhelyi: Maqedonia duhet të fillojë menjëherë negociatat me BE-në

Kryetari i OBRM-PDUKM-së, Hristijan Mickoski, së bashku me nënkryetarin Vlado Misajlovski dhe sekretarin ndërkombëtar Stefan Andonovski, takuan komisionerin e Komisionit Evropian për Zgjerim, Oliver Varhelyi.

Në takim, presidenti Mickoski theksoi se Maqedonia ka bërë shumë lëshime për të arritur interesin e saj strategjik kombëtar për anëtarësim në Bashkimin Evropian.

“Negociatat e Maqedonisë me BE-në duhet të fillojnë menjëherë, pa kushte shtesë nga asnjëra palë. Në takim u diskutua për situatën aktuale politike dhe ekonomike në vend, si dhe për dinamikën e realizimit të projekteve të financuara nga fondet IPA në disa prej komunave”, thonë nga OBRM-PDUKM.

Varhelyi gjatë ditës u takua me trojkën qeveritare, kryeministrin Dimitar Kovaçevski, zv. kryeministrin për çështje evropiane Bojan Mariçiq dhe ministrin e Jashtëm Bujar Osmani.

LAJME TJERA
AlbaniaEnglishFrenchGermanItalyTurkey