Milloshoski kërkon nga kryeministri që në Kuvend t’i dorëzojë dokuementet e bisedimeve me Bullgarinë

VMRO-DPMNE dërgoi kërkesë deri te kryeministri Dimitar Kovaçevski që gjatë këtij muaji të paraqitet para Komisionit për Punë të Jashtme dhe të dorëzojë dokumentet me të cilat qeveria negocion me Sofjen zyrtare.

Deputeti nga radhët e VMRO-DPMNE-së, Antonio Milloshoski theksoi nevojën e shqyrtimit të çështjeve në një proces të përbashkët dhe përfshirës.

“Këtë e kërkojmë nga kryeministri për shkak se vet në kodeksin e qeverisë në nenin 1 thuhet se bartësit e funksioneve vazhdimisht do të japin llogari në kuvend, por gjithashtu kërkojmë që edhe në bazë të nenit 68 të Kushtetutës ku kuvendi ka kompetencë të kontrollojë pushtetin ekzekutiv”, u shpreh Milloshoski.

Nga VMRO-DPMNE presim përgjigje pozitive nga Kovaçevski, ndërsa Milloshoski thotë se nëse kryeministri vërtetë angazhohet për përfshirje, llogaridhënie dhe punë të përbashkët, do të duhet që në seancë t’i dorëzojë dokumentet me të cilat negocion Maqedonia.

LAJME TJERA
AlbaniaEnglishFrenchGermanItalyTurkey