Moti i keq, pezullohen lundrimet e linjës Durrës-Bari

Pezullohen lundrimet nga Bari drejt Durrësit dhe anasjelltas. Përkeqësimi i motit në ditët e para të vitit 2020 ka krijuar probleme për lundrimin e trageteve mes dy brigjeve të Adriatikut, ndaj Drejtoria e Përgjithshme Detare në Durrës, pas kontakteve me kapitenerinë e portit të Barit, njofton se porti i Barit është mbyllur sot dhe tragetet nga Bari për Durrës nuk janë nisur deri në një urdhër te dytë nga kapiteneria e portit italian.

Ndërkohë porti i Durrësit është i hapur dhe në gatishmëri, por për arsye të mbylljes së portit të Barit është ndaluar dhe nisja e trageteve nga Durrësi për në Bari për të shmangur qëndrimin e trageteve dhe të pasagjerëve në radën e portit të Barit.

Autoriteti detar kërkon mirëkuptimin e pasagjerëve të bllokuar në portet e Barit dhe Durrësit, po pezullimi i lundrimeve bëhet per të garantuar sigurinë lundrimore në një mot të përkeqësuar të karakterizuar nga erë e fortë dhe dallgë të larta.

SMART PUBLISHER

AlbaniaEnglishFrenchGermanItalyTurkey