Një 19-vjeçare shqiptare zhduket në Greqi, fshihen të dhëna në emailin e saj

Zhduket 19 vjeçarja shqiptare në Greqi.

Detaje të reja janë zbuluar nga zhdukja e 19-vjeçares me origjinë shqiptare, Artemis Vasilis në Greqi.

Në emisionin grek “Tuneli”, një hetues, Vassilis Georgopoulos, i cili ka marrë autorizimin nga familja e 19-vjeçares, ka zbuluar se në email-in e saj janë fshirë të dhëna të cilat mund të ishin të dobishme në hetimin e rastit të vajzës.

“Familja e Artemis, më autorizoi të hetoj dy adresat e postës elektronike dhe një tabletë të përdorur nga Artemisa, në mënyrë që të gjej gjurmët e saj. Vajza e kishte lidhur celularin me email-in e saj. Unë zbulova se dikush fshiu të gjitha gjurmët elektronike nga llogaria e saj, të gjitha të dhënat që kanë qenë të rëndësishme për hetimin”, tha ai.

I pyetur nga Angeliki Nikolouli nëse mund të rikthehen të dhënat, Vassilis Georgopoulos u përgjigj: “Procedurat duhet të fillojnë menjëherë nga autoriteti kompetent i policisë, sepse kanë kaluar pesë muaj që nga zhdukja dhe në gjashtë qëkur këto dosje po fshihen.”

Kërkimet për vajzën e re me origjinë shqiptare po vazhdojnë akoma nga policia dhe nga grupe vullnetare që janë organizuar e po mundohen të zbulojnë të dhëna të reja.

Zhdukja e saj ndodhi mëngjesin e 16 tetorit, ku vajza doli nga shtëpia për të bërë një intervistë pune nga e cila nuk u kthye më kurrë. /tch

Mundesia me shume...
Pamje me shume...
AlbaniaEnglishFrenchGermanItalyTurkey