Një mbrojtës dietetik kundër kancerit të gjirit është një gotë me 100% lëng të rrushit të zi

Përderisa faktorët si mosha dhe herediteti kontribuojnë në mënyrë të theksuar në favor të sëmundjes, po ashtu edhe mënyra e jetesës dhe zgjedhjet ushqimore luajnë një rol të veçantë. Një mbrojtës dietetik kundër kancerit të gjirit është një gotë me 100% lëng të rrushit të zi.

Sipas një studimi të ri përbërësit natyral në lëngun e rrushit mbrojnë qelizat e shëndosha të gjirit nga dëmtimet e ADN-së, transmeton KosovaToday.

Qelizat e shëndosha të gjirit janë ekspozuar në një ambient karcinogjen, benzo(a)pyren, që është në gjendje të inicojë një zinxhir procesesh që çojnë drejt kancerit të gjirit. Megjithatë, prania e përbërësve të lëngut të rrushit bllokoi lidhjen e karcinogjenit me ADN-në e qelizave të shëndosha.

Përbërësit e rrushit të zi kanë treguar aftësi të inhibojnë paraqitjen e formacionit të ADN-së si dhe të rrisin aktivitetin e enzimës e cila metabolizon dhe detoksikon karcinogjenët dhe ndërpret shkaktarët oksidues të kancerit.

Në bazë të këtyre të dhënave, antocianinet e pranishme në lëngun e rrushit si dhe disa lëngje dhe fruta tjera meritojnë studim të mëtutjeshëm rreth potencialit kemo-preventiv të tyre nga kanceri i gjirit.

Ky studim këshillon se lëngu i rrushit mund të jetë i vlefshëm për mirëmbajtjen e shëndetit të gjirit, duke penguar stresin oksidativ dhe duke inhibuar dëmtimin e ADN-së së qelizave që mund të nxisin zhvillimin e kancerit, ose të ndihmojë në ngadalësimin e progresit të kancerit të gjirit, duke zvogëluar shumimin e qelizave kanceroze.

Dietat e larta me antioksidues natyror janë shoqëruar me rrezik të reduktuar nga disa lloje të kancerit. Në të njëjtën kohë pirja e lëngut të rrushit mund të jetë e mirë për zemër sikurse edhe vera e kuqe.

Kështu lidhshmëria ndërmjet konsumimit të alkoolit dhe shfaqjes së kancerit të gjirit që paraqet shqetësim për disa gra, pra pirja e 100% e lëngut të rrushit, mund të ndihmojë zemrën tuaj dhe ndoshta shëndetin e gjirit tuaj. /KosovaToday/

Loading...



Behu pjese e LAJME.mk , kliko LIKE fanpage ne facebook me posht!
Nga LAJME.mk September 27, 2019 2:39 pm ne Shendet. ne link https://lajme.mk/?p=153470
Nese ky postim qe eshte bere ne faqen Lajme.mk prek privatesin e dikujt ose eshte lajm abuzues ju lutem na shkruani ne email [email protected] lajme.mk ose ne fanpage facebook ose ContactUs, dergo linkun e mesiper qe te fshihet. Nuk mbajme pergjithesi per ndonje lajm qe eshte postuar qe eshte publik ne gjithe mediat. Ju faleminderit