Pesë kandidatë për kryetar komune nga Kumanova nënshkruan kodeks për zgjedhje korrekte dhe demokratike

Pesë kandidatë për kryetarë komune nga Kumanova, sot nënshkruan kodeks për zgjedhje korrekte dhe demokratike para përfaqësuesve të Komisionit komunal zgjedhor (KKZ) Kumanovë. Kodeksin e nënshkruan Bekim Saliu nga Aleanca për Shqiptarët dhe Alternativa, Maksim Dimitrievski nga “Për Kumanovën tonë”, Oliver Ilievski nga LSDM-ja dhe koalicioni, Toni Mihajllovski nga VMRO-DPMNE-ja dhe koalicioni dhe Teodora Dimitrovska nga “Të vendosur për ndryshime” RDM dhe PLD.

Kandidatët u obliguan se do t’i respektojnë rregullat ligjore, relevante për zgjedhjet se nuk do të bëjnë presion ndaj administratës, nuk do të shfrytëzojnë gjuhë të urrejtjes.

“Zhvillimi i demokracisë varet nga sjellja e të gjithë neve, ndërsa vendosja e themeleve të të njëjtës është obligim ligjor për ju, kandidatët e pranishëm për kryetarë komune dhe pjesëmarrësit më të drejtpërdrejtë në procesin zgjedhor. Për zhvillimin e demokracisë na nevojitem zgjedhje korrekte dhe demokratike, si dhe respektim të parimeve të demokracisë”, tha nënkryetarja e KKZ Kumanovë, Brankica Dimkoviq.

Mundesia me shume...
Pamje me shume...
AlbaniaEnglishFrenchGermanItalyTurkey