Pritet të zyrtarizohet koalicioni LSDM-BESA, pa PDSH-në

Mickoski: Partitë shqiptare t’i bashkëngjiten protestës së nesërmeDeri në fund të javës pritet të zyrtarizohet koalicioni parazgjedhor me Lidhjen Socialdemokrate të Zoran Zaevit dhe Lëvizjes “Besa” të Bilall Kasamit. Këtë për TV21 e konfirmojnë burime të larta brenda “Besës” të cilët pohojnë se gjatë fundjavës ka pasur takime mes palëve.

“Gjatë vikendit ka pasur takime intensive dhe të gjitha detajet pritet të përmbyllen brenda kësaj jave. Kryetari Bilall Kasami do të jetë bartës liste në njësinë 6, ndërsa në zonat e tjera zgjedhore ku ka shqiptarë Lëvizja “Besa” do të ketë vende të sigurta për deputetë”, thonë burime nga Lëvizja Besa për TV21.

Nuk pritet që pjesë e këtij koalicioni të jetë edhe ndonjë parti tjetër shqiptare, thonë burime nga “Besa”. Po të njëjtat pohojnë për TV21 se shkuarja e kreut të “Besës” Bilall Kasami në SHBA lidhet me koalicionin që pritet të bëhet, e kjo për shkak se siç thonë burimet, “ky koalicion ka promotor SHBA-të dhe ata janë garant”.

“Tashmë jemi në bisedime me “Besën”. Mund të pritet që këtë javë të bëhet e ditur nëse ka ose jo koalicion mes LSDM-së dhe “Besës”, thonë për TV21 burime të larta nga LSDM-ja.

Dje TV21 nga burime të LSDM-së mësoi se brenda partisë është duke u zhvilluar debat për listat dhe se nënkryetari Muhamed Zekiri, insiston që të jetë bartës në njësinë zgjedhore 6, ku dëshiron të përballet me Ali Ahmetin e megjithatë siç mëson TV21, LSDM-ja nuk është e kënaqur me këtë ide, duke i qëndruar asaj se në zonën numër 6 bartës duhet të jetë lideri i partisë shqiptare me te cilën LSDM do të shkojë në koalicion parazgjedhor.

The post Pritet të zyrtarizohet koalicioni LSDM-BESA, pa PDSH-në appeared first on ShqipMedia.

AlbaniaEnglishFrenchGermanItalyTurkey