Prodhuesit kosovarë të mjedrës ia marrin tregun Bullgarisë

Prodhuesit e mjedrës në Bullgari kanë thënë se është shënuar rënie drastike në shitjet e produkteve të tyre.

Industria këmbëngul se ky trend ka nisur vitin e kaluar dhe nëse shteti nuk ndërmerr masa urgjente, shumë kompani do të bankrotojnë. Arsyeja kryesore, siç raporton Televizioni Publik bullgar, është futja e mjedrave nga vende jashtë Bashkimit Evropian që, siç raporton ky televizion, në mënyrë agresive po futen në tregun evropian.

Prodhues bujqësorë të përfshirë në kultivimin e mjedrës në Bullgari janë pak më shumë se 1000 dhe plantacionet e tyre janë rreth 2,200 hektarë. Mjedrat e freskëta janë për tregun e brendshëm kurse të ngrirat janë për tregun evropian. Kultivuesit e mjedrës, megjithatë, brengosen se produktin e tyre do ta shesin me humbje këtë vit.

Bozhidar Petkov, kryesues i Shoqatës Bullgare të Mjedrës, thotë se në 2-3 vitet e fundit, vendet që s’janë marrë tradicionalisht me kultivimin e mjedrës, si Kosova, Ukraina, Mali i Zi e madje edhe Shqipëria, kanë nisur të shfaqen në këtë treg.

Me një çmim prej rreth 1.2-1.3 euro, Petkov thotë se ata ofrojnë mjedra të ngrira për tregjet gjermane.

Deri më tani, prodhuesit bullgarë kanë shitur mirë në tregun gjerman, në atë britanik dhe në Francë.

The post Prodhuesit kosovarë të mjedrës ia marrin tregun Bullgarisë appeared first on Gazeta Online INSAJDERI.



Behu pjese e LAJME.mk , kliko LIKE fanpage ne facebook me posht!
Nga LAJME.mk July 31, 2019 4:05 am ne Lajme. ne link https://lajme.mk/?p=147988
Nese ky postim qe eshte bere ne faqen Lajme.mk prek privatesin e dikujt ose eshte lajm abuzues ju lutem na shkruani ne email [email protected] lajme.mk ose ne fanpage facebook ose ContactUs, dergo linkun e mesiper qe te fshihet. Nuk mbajme pergjithesi per ndonje lajm qe eshte postuar qe eshte publik ne gjithe mediat. Ju faleminderit