Protesta para rektoratit pas deklaratës së Ardian Kastratit

Protesta para rektoratit pas deklaratës së Ardian Kastratit.

Në oborrin e rektoratit të Universitetit të Prishtinës veçse kanë filluar të mblidhen protestuesit të cilët po kërkojnë përjashtimin e Ardian Kastratit nga ky universitet, në të cilin është ligjërues.

Një numër i studentëve tashmë po qëndrojnë në oborrin e rektoratit ku edhe pritet të fillojë kjo protestë.

E gjithë kjo po bëhet pasi Ardian Kastrati, njëherësh edhe deputet nga radhët e Partisë Demokratike të Kosovës mbrëmë publikoi një status në të cilin për thelb kishte bullizimin për peshën e një gruaje, e që në bazë të reagimeve kishte të bënte me presidenten, Vjosa Osmani, transmeton lajmi.net.
Për këtë arsye është paralajmëruar edhe protestë sot për në ora 11:00.

“Pas një konsultimi të aktivistëve, u vendos që nesër me fillim nga ora 11:00, në oborrin e rektoratit të UP-së mbahet protesta simbolike dhe tubimi përgatitor për fillimin e protestave me qëllim të ndërprerjes së gjuhës sek.siste nga stafi akademik i UP-së, konkretisht përjashtimit të Ardian Kastratit nga UP ku ai është profesor. Sek.sizmi nuk do të financohet nga taksapaguesit”, shkroi Rron Gjinovci në Facebook, i cili udhëheq me ORCA, organizatë për rritjen e cilësisë në arsim.

Pas reagime të shumta që pati mbrëmë rreth kësaj deklarate, Ardian Kastrati vendosi që ta largojë postimin, por që shumë prej qytetarëve tashmë e kishin dokumentuar atë shkrim të tij.

Mundesia me shume...
Pamje me shume...
AlbaniaEnglishFrenchGermanItalyTurkey