Pse disa njerëz infektohen dy herë me koronavirus

Shumica e njerëzve që e kanë kaluar koronavirusin janë të mbrojtur nga riinfektimi për të paktën gjashtë muaj, por kjo nuk ndodh me personat mbi 65 vjeç, tregoi një studim i ri nga Danimarka, botuar në revistën mjekësore “Lancet”. Gjegjësisht, u përcaktua se vetëm 0.65 përqind e njerëzve dolën pozitivë për herë të dytë, pasi ishin infektuar më parë në Danimarkë.

Sipas studimit, ata mbi 65 vjeç kanë vetëm 47 përqind mbrojtje kundër përsëritjes së infeksionit, krahasuar me 80 përqind mbrojtje tek të rinjtë. “Studimi ynë konfirmoi atë që shumë të tjerë kanë sugjeruar. Ri-infeksioni me koronavirus është më pak i zakonshëm tek të rinjtë, te njerëzit e shëndetshëm, por është më me rrezik te njerëzit e moshuar”, tha Stan Edelberg i Institutit Danez Statens Serum.

Megjithëse autorët e studimit nuk gjetën që mbrojtja kundër ri-infeksionit është më e ulët pas gjashtë muajve të sëmundjes, ata theksojnë se kërkohen kërkime të mëtejshme për të përcaktuar mbrojtjen kundër ri-infektimit në variante të ndryshme të virusit. Theksi i studimit, sidoqoftë, është se imuniteti ndaj infeksionit natyror është i paparashikueshëm dhe i pabarabartë, dhe se vaksinimi është edhe më i rëndësishëm.

Mundesia me shume...
Pamje me shume...
AlbaniaEnglishFrenchGermanItalyTurkey