Referendumi, Kovaçevski i çon porosi Mickoskit dhe VMRO-DPMNE-së

Kryeministri Dimitar Kovaçevski sot në Tetovë sërish komentoi nismën e VMRO-DPMNE-së për referendum në lidhje me propozimin francez për zgjidhjen e çështjes me Bullgarinë, respektivisht për nisjen e bisedimeve me BE-në, përcjell TV21. Kovaçevski tha se VMRO-ja dhe “E Majta” janë dy partitë e vetme kundër BE-së.

“VMRO-DPMNE-ja është parti që ishte kundër anëtarësimit në NATO. VMRO-DPMNE-ja tash me partnerin e ri të tyre të koalicionit, Levicën, janë dy partitë e vetme që janë kundër anëtarësimit në BE, ata këtë e treguan qartë gjatë votimit të propozimit nga Bashkimi Evropian rreth nisjes së negociatave me Maqedoninë e Veriut, megjithatë numri shumicë i deputetëve, 68, që i përfaqësojnë qytetarët morën vendim që Maqedonia e Veriut të nis negociatat. Ky referendum që flet kryetari i VMRO-DPMNE-së është vetëm për përdorim të brendshëm partiak”, tha mes tjerash Kovaçevski.

Kreu i ekzekutivit tha se nuk ka kthim nga rruga evropiane e vendit.

“Ky shtet që nga dita e konferencës së parë ndërqeveritarë ka nisur rrugëtimin e anëtarësimit në Bashkimin Evropian, nga kjo rrugë nuk ka as mbrapa, as në të majtë, aq më pak në të djathtë, respektivisht nga Lindja”, pohoi mes tjerash Kovaçevski.

LAJME TJERA
AlbaniaEnglishFrenchGermanItalyTurkey