Rusia ia “tregon dhëmbë” Finlandës, ia dërgon forcat ajrore te dera

Rusia nuk është dakord që Finlanda të anëtarësohet në NATO.

Menjëherë pasi Finlanda shpalli ambicien e saj për të qenë pjesë e NATO, Rusia nuk vonoi të tregojë “dhëmbët” ndaj këtij vendimi që ajo e konsideron një gabim shumë të madh.

Ushtria ruse organizoi disa manovra ushtarake ku u përfshi flota ajrore, synimi i të cilës ishte improvizimi i shmangies së një sulmi në Kaliningrad.

Sipas asaj që citon Interfax, avionët rusë Su-27 prej dy ditësh tashmë po ushtrohen në detin Baltik, veprim ky që për shumë ekspertë konsiderohet si dhe një tregim force për Finlandën, transmeton a2news.

Më herët, presidenti Putin zhvilloi një bisedë telefonike me homologun finlandez, të cilit i tha se po bën një gabim të madh me aplikimin për t’u bërë pjesë e NATO.

“Heqja dorë nga politika tradicionale e neutralitetit ushtarak është një gabim, pasi nuk ka asnjë kërcënim për sigurinë e Finlandës”, tha Putin.

LAJME TJERA
AlbaniaEnglishFrenchGermanItalyTurkey