Sa herë mund ta përdorni të njëjtin peshqir për të fshirë trupin tuaj?

Shumica dërrmuese pas dushit përdorin një peshqir për të fshirë të gjithë trupin, i cili më pas varet në një varëse dhe lihet të thahet – por ky është një gabim i madh.

Kështu i lagësht dhe plot me grimca të vogla të shtresës së vdekur sipërfaqësore të lëkurës, peshqiri qëndron i varur gjatë natës dhe në mëngjes ju e përdorni përsëri!

Ju nuk jeni në dijeni se sa kërpudha dhe baktere mund të vendosen në të në një kohë shumë të shkurtër, kështu që mjekët paralajmërojnë se numri maksimal i përdorimit të një peshqiri është tri herë midis dy larjeve dhe se ndërkohë duhet të thahet mirë.

Kjo do të thotë që të njëjtën mbrëmje ose mëngjes, pas përdorimit, duhet ta nxirrni në tarracë ose ta thani mbi radiator nëse planifikoni ta përdorni përsëri, transmeton telegrafi.

Edhe pse vetëkuptohet, vlen të theksohet se do të përdorni peshqirë të ndryshëm për duart, fytyrën dhe trupin, si dhe se çdo anëtar i familjes duhet të ketë peshqirin e tij.

Peshqiri rekomandohet të ndërrohet çdo tre ditë, ndërsa peshqiri i duarve është më mirë të ndërrohet çdo ditë.

LAJME TJERA
AlbaniaEnglishFrenchGermanItalyTurkey