Bota

Bota Shqiptare

Emigrantët “tmerrojnë’” BE-në, Merkel: Reagojmë bashkë ose shpërthen kriza!

“Për emigracionin e paligjshëm duhet të reagojmë në mënyrë të unifikuar. Kjo temë ka potencialin për të dëmtuar Evropën”.Kështu është shprehur kancelarja gjermane Angela Merkel nga Berlini për çështjen më të nxehtë të momentit, e cila duket se ka shpëthyer pas vendimit të Italisë me qeverinë populiste në krye për të bllokuar anijen “Aquarius” me 629 emigrantë në bord në ujërat e Mesdheut.Fjalët e Merkel erdhën pas një takimi me homologun e saj austriak, Sebastian Kurz, i cili është një nga kritikët e pranimit të refugjatëve dhe ka ashpërsuar masat për azilantët me një vendim të fundit të qeverisë së tij.Sipas Merkel, është e rëndësishme të luftohet “emigracioni i paligjshëm dhe të mbrohen kufijtë e jashtëm”.Ndërkohë Komisioneri Evropian për Imigracionin, Dimitris Avramopulos ka thënë se “migrimi rrezikon projektin evropian dhe shtetet duhet të marrin përgjegjësi”.“Të bien dakord mbi rishikimin e rregullores së Dublinit. Ne nuk duhet të lejojmë që migrimi të jetë një element n..

Read More »

Paris, lirohen 3 pengjet dhe arrestohet agresori

Pas disa orësh është mbyllur pa jetë të humbura rasti i pengmarrjes në Paris. Forcat speciale kanë ndërhyrë me metoda të avancuara për të vendosur në pranga burrin, i cili mori peng tre qytetarë.Rrëmbyesi u arrestua, ndërsa pengjet janë të gjithë të sigurt dhe shëndoshë e mirë. Pengmarrja dhe aksioni i policisë për shëptimin e jetëve u konfirmua gjithashtu nga Ministri i Brendshëm francez, Gerard Collomb.“Pengmarrësi është ndaluar dhe pengjet janë jashtë rrezikut. Unë e mirëpres profesionalizmin dhe reagimin e policisë dhe forcave speciale në veçanti, mbështetja e të cilëve ishte vendimtare”, shkroi Collomb në Twitter.I arrestuari është përshkruar nga autoritetet si “i paqëndrueshëm” dhe kishte pasur në posedim një armë dhe eksplozivë. Nuk ka detaje mbi moshën, pamjen apo kombësinë e tij.“Negociatori kishte vështirësi për të kuptuar. Kërkesat e tij ishin vërtet të paqarta dhe jokoherente”, tha një zyrtar i ministrisë së Brendshme.12 qershor 2018 (gazeta-Shqip.com)

Read More »

Parisi në alarm, një burrë i armatosur merr peng tre qytetarë (FOTO)

Një tjetër veprim me prirje terroriste ka vendosur në alarm policinë franceze në Paris, pasditen e sotme.Mediat raportojnë se një njeri i armatosur besohet të ketë marrë peng tre persona në “Rue des Petites Ecuries” të kryeqytetit francez.Dhjetëra policë të armatosur dhe zjarrfikës ndodhen në vendin e ngjarjes, por nuk kanë ndërhyrë pasi dëshmitarët thanë se pengmarrësi posedonte një armë dhe një bombë.Dëshmitari besohet t’i ketë thënë policisë se një peng u “plagos rëndë” pasi ai goditi viktimën. Dy pengjet e tjera, ku përfshihet edhe një grua shtatzënë, janë në gjendje të mirë.Rrëmbyesi ka kërkuar të flasë me ambasadën iraniane dhe qeverinë franceze.Opération policière #Paris 10 Un homme armé rue des Petites Écuries ! Circulation bloquée des voitures de police arrivent par dizaines !! @prefpolice @BFMTV @LCI @konbininews @hugoclement @jmaphatie pic.twitter.com/IWDqcZVsvt— FREDERIC AMICO (@fredericammico) June 12, 2018

Read More »

Bllokimi i emigrantëve, Macron: “Cinizëm dhe papërgjeshmëri” nga Italia

Presidenti francez Emmanuel Macron ka akuzuar qeverinë italiane për “cinizëm dhe papërgjegjshmëri”, pasi Matteo Salvini detyroi kryeministrin e qeverisë populiste të refuzonte lejimin e hyrjes në portet italiane të një anije shpëtimi me 629 emigrantë, të bllokuar ne Mesdhe në ujërat territoriale mes Italisë dhe Maltës.Macron tha se Italia po “luan politikisht” me emigrantët. Zëdhënësi i Macronit, Benjamin Griveaux tha se presidenti francez kujtoi se “në raste të shqetësimit ata që kanë bregun më të afërt kanë një përgjegjësi për t’u përgjigjur”.“Ka një shkallë cinizmi dhe papërgjegjshmëri në sjelljen e qeverisë italiane”, citoi ai të thoshte Presidenti Macron.Anija Aquaris me emigrantë do të ndimohet nga një anije bregdetare italiane dhe një luftanije për t’u ankoruar në portin spanjoll të Valencias, por Spanja është të paktën tri ditë larg. Për emigrantët, kryesisht afrikanë të Libisë, janë duke u kujdesur Mjekët pa Kufij (MSF) dhe bamirësia franko-gjermane SOS Méditerranée në b..

Read More »

Irani arreston 27 anëtarë të një “rrjeti terrorist”

Ministria e Inteligjencës e Iranit tha se ka arrestuar 27 anëtarë të një “rrjeti terrorist” nën dyshimet se kanë planifikuar sulme gjatë Muajit të Ramazanit.“Grupi ka bërë komplot për të kryer operacione terroriste në Teheran dhe disa qytete të tjera”, tha përmes një deklarate Ministria e Inteligjencës.Sipas saj, grupi ka kërcënuar kombin e nderuar të Iranit me “hakmarrje dhe vrasje”.Ministria e Inteligjencës tha se ka konfiskuar edhe një numër të madh të armëve dhe municionit.Irani është një objektiv kyç për xhihadistët sunitë, të cilët e shohin shumicën e tij shiite si të pafe.Irani gjithashtu ka luftuar drejtpërdrejt me grupin militant Shteti Islamik dhe Al-Kaidën në Irak dhe Siri.12 qershor 2018 (gazeta-Shqip.com)

Read More »

Takimi me Kim, Trump: Sanksione deri në çarmatimin e plotë

Kreu i shtetit të Koresë së Veriut Kim (l) dhe Presidenti i SHBA-së, Donald Trump ranë parimisht dakord gjatë takimit të cilësuar si historik në Singapor për një çarmatim “të plotë” bërthamor, por ata nuk kanë përcaktuar një plan konkret kohor. Ky është thelbi i marrëveshjes, që Kim dhe Trump nënshkruan në përfundim të samitit në Singapur në prani të motrës së Kim dhe ministrit të Jashtëm të SHBA-së, Pompeo.Trump pastaj ka konfirmuar që Koreja e Veriut është “duke shkatërruar një sit të testeve bërthamore shumë të madh. Nuk është shkruar në dokument, sepse kemi biseduar pas firmës, – tha presidenti amerikan. – Po zgjidhin situatën, e kaluara nuk duhet ta shkruajë më të ardhmen. Do t’i tregojmë botës që kundërshtarët mund të bëhen miq”.Miliarderi po ashtu ka njoftuar se SHBA-të “nuk do të reduktojnë kapacitetet e tyre ushtarake në gadishull. Dua t’i kthej në shtëpi 32 mijë ushtarët amerikanë që janë në Korenë e Jugut, por jo tani”. Ndërkaq Trump ka konfirmuar se Kim Jong-un ka pranu..

Read More »

Trump sulmon sërish Gjermaninë: Paguaj më shumë për NATO-n

Beteja e Trump kundër Gjermanisë vazhdon edhe pas G7. Presidenti amerikan nis një anatemë të re: “Gjermania paguan 1% (ngadalë) të PBB-së së saj në NATO, ndërkohë që ne paguajmë 4% të GDP-së më të madhe. A ka ndonjë që beson se kjo ka kuptim?”. “Ne e mbrojmë Evropën (e cila është e mirë) me koston e humbjeve të mëdha financiare dhe pastaj ne jemi të prekur padrejtësisht nga tregtia dhe ndryshimi po vjen!”, shtoi ai.“Shtetet e Bashkuara paguajnë pothuajse të gjithë koston e NATO-s, duke mbrojtur shumë nga të njëjtat vende që na vjedhin nga tregtia”, vijoi Trump, duke argumentuar se BE “duhet të paguajë më shumë për çështjet ushtarake” dhe duke drejtuar gishtin në Berlin se “paguan 1% (ngadalë) të PBB-së për NATO-n, ndërsa ne paguajmë 4% të GDP-së shumë më të madhe”.Përfundimisht, rezultati i arritur nga presidenti është një pohim i ri i doktrinës “Amerika e para”: “Na vjen keq, nuk mund të lejojmë më që miqtë tanë, apo armiqtë të përfitojnë nga ne në tregti. Duhet të vendosim në ven..

Read More »

Trump dhe Kim takohen në Singapor, marrëveshje mbi denuklearizimin (FOTO)

Takimi dhe shtrëngimi i duarve historik në Singapor ndodhi mes Donald Trump dhe Kim Jong-un. Sipas presidentit amerikan, takimi shkoi “shumë mirë” dhe së bashku do të zgjidhin gjithçka “duke punuar ngushtë problemin e madh” të denuklearizimit. “Nuk ishte e lehtë të arrihej deri këtu, por i kaluan pengesat”, – la komentuar lideri koreano-verior. Trump e Kim kanë nënshkruar një dokument mbi bisedimet për çmilitarizimin e gadishullit.“Kim Jong është negociator i zgjuar dhe i shkathët”, – ka komentuar shefi i Shtëpisë së Bardhë, duke shtuar se ka ndër mend të takohet “disa herë të tjera” me të.Trump e Kim janë takuar në një nga suitat e “Capella Hotel”, i shtruar komplet me tapet të kuq dhe me flamuj të të dyja vendeve. Shtrëngimi historik i duarve, në përballjen e parë mes liderëve të të dyja vendeve, zgjati rreth 13 sekonda, me Trumpin që forcoi kontaktin me liderin e ri, i cili ka vendosur edhe dorën e majtë mbi krahun e djathtë të miliarderit. Pas një shkëmbimi direkt përshëndetjes..

Read More »

Trump dhe Kim takohen në Singapor, marrëveshje mbi denuklearizimin

Takimi dhe shtrëngimi i duarve historik në Singapor ndodhi mes Donald Trump dhe Kim Jong-un. Sipas presidentit amerikan, takimi shkoi “shumë mirë” dhe së bashku do të zgjidhin gjithçka “duke punuar ngushtë problemin e madh” të denuklearizimit. “Nuk ishte e lehtë të arrihej deri këtu, por i kaluan pengesat”, – la komentuar lideri koreano-verior. Trump e Kim kanë nënshkruar një dokument mbi bisedimet për çmilitarizimin e gadishullit.Vijon…12 qershor 2018 (gazeta-Shqip.com)

Read More »

Botërori, parandalohet trafikimi i disa fëmijëve në Rusi

Autoritetet e Nigerisë thanë se kanë shpëtuar nëntë vajza dhe një djalë që po trafikoheshin në Rusi.Pesë të dyshuar, përfshirë një polic dhe një oficer të karantinës, u arrestuan nën dyshimet se kanë lehtësuar udhëtimin e tyre.Viktimat janë gjetur pak para se të hynin në bordin e një aeroplani nga Lagosi për në Moskë.Ata kanë pasur karta si mbështetës të futbollit, në mënyrë që të dukeshin si tifozë që shkojnë në Kampionatin Botëror të Futbollit në Rusi.Fëmijët, të cilët ishin të pashoqëruar, tani janë në një strehë për viktimat e trafikimit, që drejtohet nga Agjencia Kombëtare për Ndalimin e Trafikimit të Qenieve Njerëzore.Shumë viktima të trafikimit nga Afrika në Evropë, vijnë nga Nigeria.Sipas Agjensisë së Kombeve të Bashkuara për Migracionin, shumica e viktimave potenciale të trafikimit seksual që arrijnë në Itali përmes detit, janë nigerianë.11 qershor 2018 (gazeta-Shqip.com)

Read More »

Trump-Kim, takim kokë më kokë vetëm me përkthyesit

Shtëpia e Bardhë ka njoftuar se presidenti Trump do të mbajë një takim kokë-më kokë me udhëheqësin koreanoverior Kim Jong Un të martën në mëngjes, ku të pranishëm do të jenë vetëm përkthyesit. Më pas ata do të kenë një drekë pune dhe një takim dy-palësh më të zgjeruar, ku do të jetë të pranishëm Sekretari i Shtetit Mike Pompeo, Shefi i Personelit të Shtëpisë së Bardhë John Kelly dhe Këshilltari për Sigurinë Kombëtare John Bolton.Në deklaratën e Shtëpisë së Bardhë thuhet se më pas, Presidenti Trump do të mbajë një konferencë shtypi dhe në mbrëmje me orën lokale do të largohet po të martën nga Singapori. Në deklaratë thuhet gjithashtu se bisedimet mes zyrtarëve të SHBA dhe të Koresë së Veriut po vazhdojnë dhe se ato kanë përparuar më shpejt se sa pritej.Presidenti Trump sot pati një drekë pune të organizuar nga kryeministri i Singaporit Lee Hsien Loong, në Istana, që është rezidenca zyrtare e presidentit të qytetit.Në drekën me Presidentin Trump u servir edhe një tortë me rastin e ..

Read More »

Dyshime për bombë, avioni Romë-Çikago devijon në Irlandë

Një avion i “United Airlines” në fluturim nga Roma në Çikago ka devijuar udhëtimin e tij për “motive të rëndësishme sigurie”. Sipas burimeve të përcjella nga televizioni Cnbc, në dy banja të avionit, janë gjetur disa blloqe shënimi. “Kontrolle të ndryshme do të bëhen për të gjithë pasagjerët dhe bagazhet”, – ka saktësuar kompania ajrore amerikane.Kështu pra, fluturimi “971 i United” nga Roma në Çikago është devijuar nga autoritetet në Shannon, në Irlandë.United ka konfirmuar burimet, por nuk ka hyrë në detaje për shkak të “motiveve të sigurisë”. Sipas mediave amerikane, shkak për devijimin e udhëtimit janë bërë disa mesazhe të gjetura nga ekuipazhi në banjat e mjetit: në një nga blloqet e gjetura, bëhej fjalë për “një bombë”.Avioni, një “Boeing 767”, ka zbritur në Shannon dhe pasagjerët janë mirë dhe të sigurt. Policia ka nisur menjëherë hetimet dhe i ka kërkuar të gjithë atyre që ishin në bord që të shkruajnë diçka, kështu mund të konfirmojnë shkrimin me mesazhet e gjetura në ba..

Read More »

Itali-Maltë bllokojnë emigrantët, BE dhe OKB ultimatum: Hapni portet

Dy vraka me qindra emigrantë nga Libia prej disa orësh janë bllokuar në Detin Mesdhe, pasi Italia dhe Malta kanë mbyllur portet e tyre dhe nuk i lejojnë ekipet e shpëtimit që të zbarkojnë bashkë me ta.Ministri i Brendshëm i Italisë, Matteo Salvini tha gjatë paradites se Italia i ka thënë “stop” uljes së kokës dhe ka mbyllur portet”, ndërsa kryeministri Conte bëri thirrje për “më shumë bashkëpunim të BE dhe NATO në Mesdhe, për të përballur krizën e emigrantëve.Por vendimi i sotëm i Italisë dhe Maltës, duket se kanë rritur tensionet brenda vetë BE-së, pasi Brukseli zyrtar dhe OKB-ja i kanë bërë thirrje në mesditë këtyre dy shteteve që “të lejojnë zbarkimin e menjëhershëm të emigrantëve, pasi është një imperativ humanitar”.Komisionin Europian duke iu drejtuar Italisë dhe Maltës thekson se kemi të bëjmë me jetë njerëzish, ndaj hapja e porteve është e rëndësishme në këtë moment.“Prioritet është që maltezët dhe italianët të lejojnë që anija “Aquarius” të zbresë emigrantët dhe ata të ..

Read More »

Spanja shpëtimtare, pranon anijen me 629 emigrantë në portet e saj

Italia dhe Malta i treguan “dhëmbët” BE-së dhe OKB-së për çështjen e emigrantëve, duke marrë sot një nga vendimet më të rëndësishme për të bllokuar portet e tyre duke mos lejuar zbarkimin e 629 refugjatëve që ndodhen në bordin anijes “Aquarius” që ka ngelur në Mesdhe.Pavarësisht apelit të BE për të hapur portet pasi bëhet fjalë për një çështje humanitare, Matteo Salvini tha jo dhe i qëndroi stoik vendimit të tij, duke bërë që në bazë të një ligji ndërkombëtar, në lojë të hyjë edhe Spanja, e cila ka pranuar hyrjen e anijes në një nga portet e saj.Kryeministri socialist Pedro Sanchez ka njoftuar se Spanja do të lejojë Aquarius të zbarkojë emigrantët libianë në ValenciaMë herët gjatë ditës kryebashkiakët e Barcelonës dhe Valencias kishin ofruar portet e tyre. Kryebashkiakja e Barcelonës, Ada Colau dhe kryebashkiaku i Valencias, Joan Ribo kishin thënë: “Ne nuk shohim zgjidhje tjetër”, duke apeluar për bashkëpunim me qeverinë e re spanjolle të Pedro Sanchez në drejtim të çështjes së e..

Read More »