Surprizon Dinamo e Zagrebit, ja çfarë bën për të prekurit nga tërmeti në Shqipëri

Sharing is caring!


Katastrofa natyrore që goditi Shqipërinë përveçse shkatërrimit dhe vdekjes së 51 peronave tregoi edhe shpirtin solidar të fqinjëve, të cilët jo vetëm dërguan ndihma, por në rrjete sociale dhe stadiume shprehin mbështetjen e tyre për vendin tonë.

Nuk kanë munguar as ndihmat financiare që ka në ardhur nga shtete, shoqata të ndryshme apo edhe klube futbolli.

Më i fundit është ekipi elitar i Kroacisë, Dinamo e Zagrebit, e cila ka njoftuar se të ardhurat e ndeshjes kundër Varazdin, e fituar nga vendasit me rezultatin 1-0, dhe ndeshjes kundër Lokomotivës së Zagrebit do të shkojnë për personat e prekur nga tërmeti në Shqipëri.

Ky është gjesti i radhës që tregon se vendet e Ballkanit i janë gjendur pranë Shqipërisë në momente të vështira duke treguar se janë lënë pas mëritë e së shkuarës.

Vlen të theksohet se për Dinamon e Zagrebit momentalisht nuk luan asnjë shqiptar, ndërsa për Lokomotivën aktivizohen Myrto Uzuni i Kombëtares kuqezi, Enis Çokaj e Indrit Tuci të Shpresave dhe Lirim Kastrati i Përfaqësueses së Kosovës.

Sharing is caring!

Loading...
shares