Vetëm 253 raste aktive me COVID-19 në Maqedoninë e Veriut

Gjendja epidemiologjike në Maqedoninë e Veriut kohëve të fundit ka shënuar përmirësim të vazhdueshëm. Vendi ynë tashmë gjendet në listën e gjelbër të shumë vendeve evropiane, duke marrë edhe lehtësime nga Bashkimi Evropian.

Gjatë javës që lamë pas janë realizuar 15 707 testime për Kovid-19, duke rezultuar pozitivë vetëm 46 raste, ndërkohë janë shëruar 88 pacientë të infektuar.

Ndërkohë, në Maqedoninë e Veriut janë regjistruar edhe 9 persona që kanë ndërruar jetë nga Kovid-19.

Deri më tani në vendin tonë janë kryer gjithsej 870,380 teste Covid-19. Numri i përgjithshëm i personave të diagnostikuar me KOVID në vendin tonë që nga fillimi i epidemisë është 155,669, numri i pacientëve të rikuperuar është 149,950, numri i vdekjeve është 5,484 dhe numri i rasteve aktive është 235.

LAJME TJERA
AlbaniaEnglishFrenchGermanItalyTurkey