Viti i ri në burg/ 5 mijë të dënuar festojnë në qeli, çfarë ndodh me familjarët

“Thuhet se askush nuk e njeh me të vërtetë një komb, pa u futur njëherë brenda burgjeve të tij. Një komb nuk duhet të gjykohet nga mënyra si i trajton qytetarët e tij shembullorë, por ata më të këqijtë”.

Kjo shprehje e Nelson Mandelës gjendet e afishuar sapo hyn në paraburgimin 313, kun ë ditën e fundit të 2019 ka shumë familjarë që duan të takojnë për festat e fundvitit të afërmit e tyre që presin drejtësinë.

Duhan, bakllava, gjel deti dhe karta telefoni. Këto janë dhuratat e vitit të ri që kalojnë më së shumti muret e burgut për mëse 5 mijë shtetas që mbahen në sistemin penitenciar. Shpati Ruçi ka ardhur të takojë të vëllain e burgosur për t’i sjellë ushqimet tradicionale.

“Është hera e parë, nuk e dija që gjeli duhej të sillej pa kocka, është festa e fundvitit dhe kam të afërm këtu” – thotë ai. Por gjeli i Shpatit duhet të kthehet pas dhe të pastrohet nga kockat që me rregulloren e burgut konsiderohen të ndaluara, njësoj si edhe alkooli që është i ndaluar.

Ndërkohë familjarë të tjerë presin dhurata nga të afërmit në qeli. Urimi tradicional është gëzuar vitin e ri, por të dënuarit për njeri-tjetrin kanë një urim akoma me specifik. Ata e urojnë njëri-tjetrin për të dalë sa me shpejt.

Për shkak të ngjarjeve kriminale të viteve të fundit, drejtoria e përgjithshme e burgjeve edhe për këtë vit i ka anuluar lejet shpërblyese, që jepej si dhuratë nga autoritetet për disa të dënuar./Top Channel

SMART PUBLISHER

AlbaniaEnglishFrenchGermanItalyTurkey