VLEN njofton rritje të pagës minimale: 26.400 denarë neto nga marsi 2026

Koalicioni VLEN ka njoftuar se paga minimale do të rritet për 2.000 denarë nga marsi i vitit 2026, duke arritur në 26.400 denarë neto. Sipas VLEN, kjo rritje vjen si rezultat i përkushtimit të Ministrit të Ekonomisë, Besar Durmishi, dhe është vetëm fillimi i reformave të mëdha në ekonominë e vendit.

Në deklaratën e tyre, VLEN theksoi:

“Kjo rritje është dëshmia më e fortë se qeverisja e VLEN nuk njeh pritje, nuk njeh vonesa dhe nuk njeh justifikime. Premtimet tona po kthehen në vendime, e vendimet po kthehen në benefite të prekshme për qytetarët.”

Koalicioni shtoi se do të vazhdojë me vendime të guximshme dhe politika të qarta në shërbim të qytetarëve, duke shfrytëzuar besimin që ata morën më 19 tetor për të sjellë zhvillim, punë dhe dinjitet në jetën e qytetarëve.

The post VLEN njofton rritje të pagës minimale: 26.400 denarë neto nga marsi 2026 appeared first on InfoShqip.com.