Vrau dy komisionerë në zgjedhjet e 1997, ja kush është i arrestuari në kërkim nga Interpol (EMRI)

Kastriot Fejzo 49 vjeç ishte në listën e më të kërkuarve të Policisë së shtetit. Fotoja e tij ka qenë e publikuar në disa vende, pa diskutuar edhe shumë të shpërndara në pikat kufitare. Askujt nuk ia merrte mendja, se personi i kërkuar në Shqipëri dhe më gjerë qarkullonte lirshëm në Tiranë dhe se për të arrestimi është bërë me lejhtësinë më të madhe.

Kastriot fejzo u arrestua në Bulevardin “Dëshmorët e Kombit” në kryeqytet, pasi ishte shpallur në kërkim për vrasjen e dy komisionerëve zgjedhorë të Partisë Socialiste ngjarje e ndodhur në vitin 1997. Lidhur me këtë ngjarje ai ishte dënuar me 17 vjet e 6 muaj e 24 ditë burgim, një dënim i konsideruar i lehtë për krimin, por ndoshta hapësirat ligjore e “detyruan” Drejtësinë të jetë dorëlëshuar në këtë rast dhe se për këtë krim janë disa persona të akuzuar.

Në momentin e ndalimit ai është prezantuar me gjeneralitetet e kushëririt të tij, por pas shoqërimit në komisariat ka rezultuar se ishte personi i shpallur në kërkim.

Atij i janë gjetur dhe sekuestruar 20 mijë dollarë amerikan dhe 2 milionë lekë, që sipas policisë ishin të përfituara në mënyrë jo të ligjshme. Fejzo kërkohej prej kohësh nga Interpoli për vrasjen e dy komisionerëve zgjedhorë në Ersekë Nako Skupra dhe Ilirjan Arapi. Ngjarja e rëndë u shënua në 29 qershor të 1997 në Ersekë ku i arrestuari i sotëm ekzekutoi komisonerët e Partisë Socialiste në momentin e transportimit të kutive të votimit në bashkinë e këtij qyteti.

Gjatë kësaj ngjarje mbetën të plagosur edhe shtetasit Taqo Skupra, Alfred Shehu, Kastriot Zenollari, Arben Arapi dhe Shaban Koxhaj. Për ngjarjen e 29 qershorit 1997 në Ersekë u akuzuan 7 persona. Nga këta 4 janë arrestuar, kurse tre të tjerë dyshohen se fshihen në Angli. Tre personat që dyshohet se fshihen në Angli janë Hysni Dervishi, Roland Hasani dhe Spartak Sageri.

Mundesia me shume...
Pamje me shume...
AlbaniaEnglishFrenchGermanItalyTurkey