Zvdrejtori i policisë së RMV-së, Arben Jashari në ceremoninë e varrimit të policit të rënë në detyrë, Afrim Bunjaku

Zëvendësdrejtori i Byrosë për Siguri Publike të MPB-së Maqedonisë, Arben Jashari ishte pjesë e ceremonisë së varrimit të policit kosovar, Afrim Bunjaku i cili humbi jetën mëngjesin e së dielës nga një sulm i grupeve terroriste serbe.

“Sot përcollëm për në banesën e fundit, Dëshmorin më të ri të Republikës së Kosovës, reshterin Afrim Bunjaku, kolegun tonë që na përkujtoji se si duhet e mbrohet vendi.

Në këto ditë kur në Republikën e Kosovës u cënua paqja e stabiliteti, Afrimi na rikujtoj çmimin e lirisë dhe përgjegjësinë e profesionit që mbajmë.

Si bashkombas e si kolegë, Afrim Bunjaku do të mbetet përjetësisht i paharruar, si një simbol profesionalizmi dhe trimërie që u vu në mbrojtje të shtetit. Të qoftë i lehtë dheu të cilit ia fale jetën!”, ka shkruar zvdrejtori i policisë së Maqedonisë së Veriut, Arben Jashari.

The post Zvdrejtori i policisë së RMV-së, Arben Jashari në ceremoninë e varrimit të policit të rënë në detyrë, Afrim Bunjaku appeared first on InfoShqip.com.