Лишен од слобода државјанин на Босна и Херцеговина, платил патарина со фалсификувана банкнота од 10 евра

Како што соопшти полицијата вчера во 16:50 часот на патарина „Петровец“ во Скопје, полициски службеници го лишија од слобода М.А.(28) од Босна и Херцеговина поради постоење основи на сомнение за сторено кривично дело по член 268 од Кривичниот законик. Имено, тој на патарината поминал со товарно возило со босански национални ознаки и притоа платил со банкнота од 10 евра за која вработениот се посомневал дека е фалсификувана.

Од МВР соопштијад ека банкнотата е одземена за понатамошна постапка.

– Тој е задржан во полициска станица и по целосно документирање на случајот ќе следува соодветна пријава, велат од полицијата.