Украина објави што уништила во нападот на клучната руска воздухопловна база

Генералштабот на вооружените сили на Украина објави дека неодамнешниот напад врз руската воздухопловна база Енгелс уништил 96 крстаречки ракети кои Русија планирала да ги користи за напади врз Украина оваа пролет. Покрај тоа, погодени се и складишта за воздухопловно гориво, според украинската војска.

Воздухопловната база Енгелс, која се наоѓа во руската област Саратов, повеќепати беше цел на напади со украински беспилотни летала од почетокот на инвазијата. Последниот напад, кој се случи минатиот викенд, предизвика силни експлозии, а локалните власти во Русија првично признаа дека имало „инцидент“, без да наведат детали.

Базата Енгелс се користи за сместување на стратешки бомбардери, вклучително и авиони Ту-95, кои често учествуваат во ракетни напади врз украински цели./Извор:Makfax