Времето се менува, студот попушта, доаѓаат дожд и снег – Метеоцентар со детална прогноза за следните 4 дена

Од утре следува период на променливо облачно време со постепен пораст на температурите. По одделни котлини ќе има појава на магла и ниска облачност. Од ноќта кон понеделник ќе има услови за слаб локален дожд, а на планините и на повисоките места повремено ќе провејува слаб снег.

Прогноза за 24.02.2025
Минимална температура: -8°C до 1°C
Максимална температура: 3°C до 9°C

Умерено до значително облачно, попладне и кон крајот на денот ќе има услови за слаб дожд, на планините и на повисоките места слаб снег. Ќе дува слаб до умерен ветер од југоисточен правец.

Прогноза за 25.02.2025
Минимална температура: -6°C до 2°C
Максимална температура: 4°C до 11°C

Умерено до значително облачно со локален слаб дожд, на планините и на повисоките места со слаб снег. Ќе дува слаб ветер претежно со променлив правец.

Прогноза за 26.02.2025
Минимална температура: -5°C до 3°C
Максимална температура: 6°C до 12°C

Променливо облачно со сончеви периоди. Ќе дува слаб до умерен ветер од југоисточен правец.