Dramë në Çegran! Tentuan t’i shtypnin policët me BMW dhe i kërcënuan me vdekje – tre të arrestuar!

Një aksion policor në fshatin Çegran të Gostivarit është shndërruar në një incident të rëndë, pasi dy persona dyshohet se tentuan t’i shtypnin me veturë policët dhe i kërcënuan me vdekje.

Ngjarja ndodhi mbrëmjen e 12 nëntorit, kur policia ndaloi një 26-vjeçar me automjet “Mitsubishi”, tek i cili gjeti një substancë të bardhë pluhur. Gjatë kontrollit të mëvonshëm në banesën e tij u zbulua edhe një sasi tjetër e së njëjtës substancë.

Gjatë aksionit, dy banorë të Çegranit, 24 dhe 35 vjeç, mbërritën me një BMW dhe, sipas MPB-së, tentuan t’i godisnin policët me automjet, duke i kërcënuar me jetë.

Dy të dyshuarit u larguan, por u kapën pak më vonë. Të tre personat u arrestuan, ndërsa pas dokumentimit të rastit priten kallëzime penale.

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.