Versioni i plotë
LAJME MAQEDONI

Faruk Nevzati: Shqiptarët shumicë në 13 komuna të Rajonit të Shkupit (TABELA)

16 Nën 2026, 06:50

Analisti Faruk Nevzati ka publikuar një analizë historike dhe demografike për pozitën e shqiptarëve në Rajonin e Shkupit, duke vënë në pah kontrastin ndërmjet përfaqësimit të tyre në komunat periferike dhe atyre qendrore.

Sipas të dhënave të Entit Shtetëror të Statistikave, shqiptarët përbëjnë shumicën në 13 nga gjithsej 17 komunat e Rajonit të Shkupit.

Në këto 13 komuna jetojnë 167.926 shqiptarë, përkatësisht 43,29 për qind e popullsisë, kundrejt 141.874 maqedonasve. Kjo do të thotë se shqiptarët janë grupi më i madh etnik, me 26.052 banorë më shumë.

Megjithatë, Nevzati thekson se në katër komunat qendrore, Qendër, Karposh, Aerodrom dhe Kisella Vodë, shqiptarët kanë mbetur me përfaqësim shumë më të kufizuar.

Ai këtë realitet e cilëson si paradoks historik dhe e lidh me politikat e dikurshme të banimit, urbanizimit, investimeve publike dhe diskriminimin institucional ndaj shqiptarëve.

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.

Lajme të ngjashme

Mickoski: "One Stop Shop" lehtëson udhëtimet në kufirin me Shqipërinë 22 Nëntori: Sela dhe Thaçi urojnë gjuhën shqipe si themel i identitetit kombëtar --- VLEN dhe Rama: Përforcohen lidhjet me Shqipërinë dhe Kosovën Ali Ahmeti dhe Edi Rama: Biseda për bashkëpunim, NATO dhe perspektivë evropiane