Shpalli kandidaturën për kryetare të LDK-së, Haziri i reagon Hykmete Bajramit

Nënkryetari i LDK-së, Lutfi Haziri në ”Click” të RTV21 ka mohuar se në partinë e tij aktualisht ka një proces për zgjedhjen e kryetarit të ri.

Duke komentuar deklaratat e Hykmete Bajramit, e cila ka shprehur gatishmërinë për të kandiduar për kryetare të LDK-së, Haziri tha se një proces i tillë nuk është hapur në parti.

“Garë nuk ka. Në LDK nuk ka proces të tillë dhe kur s’ka proces, nuk ka proces. Këtu ia qes pikën. Nuk flas për këtë punë”, deklaroi Haziri.

Ai tha se në LDK synohet “e mundshmja” dhe jo ajo që është vetëm e dëshirueshme, duke lënë të kuptohet se rezultatet e një procesi të tillë varen nga rrethanat dhe mbështetja brenda partisë.

“Lutfi Haziri gjithmonë ka me qenë në LDK. Në asnjë situatë, në asnjë proces politik nuk kam kryqëzuar”, shtoi ai.

Burimi i lajmit: ina-online.net
Shënim: Ky material është përpunuar për qëllime informimi nga Portali lajme.mk.