Valbon Limani shënon Festat e Nëntorit me shqiptarët në Zvicër
Valbon Limani shënon Festat e Nëntorit me shqiptarët në Zvicër
Kryetari i Komunës së Gostivarit, Valbon Limani, ka marrë pjesë në shënimin e Festave të Nëntorit në Winterthur, Zvicër, me ftesë të Unionit të Shoqatave Shqiptare të Gostivarit në Mërgim.
Në këtë rast, Limani ishte i shoqëruar nga kryesuesi i Këshillit të Komunës së Gostivarit, Valdet Xhaferi. Festimet u zhvilluan me rastin e Ditës së Alfabetit të Gjuhës Shqipe dhe Ditës së Flamurit Kombëtar.
Në një njoftim zyrtar, Limani ka shprehur mirënjohjen për mikpritjen dhe përkushtimin e mërgatës shqiptare, vlerësuar rolin e saj në ruajtjen e identitetit kombëtar dhe forcimin e lidhjeve me vendlindjen.
“Bashkatdhetarët tanë e përfaqësojnë denjësisht vendin kudo që veprojnë, duke ruajtur gjuhën, kulturën dhe traditat tona kombëtare. Mërgata jonë mbetet një urë e fuqishme lidhëse me vendlindjen”,
thuhet në njoftimin e kryetarit Limani.
Në fund, Limani ka përcjellë urimet për të gjithë shqiptarët me rastin e Festave të Nëntorit.
“Gëzuar Festat e Nëntorit!”
Personat e përmendur
- Valbon Limani - Valbon Limani
- Valdet Xhaferi - Valdet Xhaferi
Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.